അമ്മയില്‍ നിന്നും ദിലീപിനെ പുറത്താക്കി

താര സംഘടനയായ അമ്മയും നടന്‍ ദിലീപിനെ കൈവിട്ടു. അമ്മയുടെ ട്രഷറര്‍ സ്ഥാനത്തുനിന്നും പുറത്താക്കിയതു കൂടാതെ അമ്മയുടെ പ്രാഥമിക അംഗത്വത്തില്‍ നിന്നും പുറത്താക്കി. ഇതു വ്യക്തമാക്കി ഒരു പേജുള്ള പത്രക്കുറിപ്പ് അമ്മയുടെ അവയ്‌ലബിള്‍ യോഗത്തിനു ശേഷം മാധ്യമങ്ങള്‍ക്ക് നല്‍കി. രണ്ടു മണിക്കൂര്‍ നീണ്ട യോഗത്തില്‍ ദിലീപിനെ പുറത്താക്കണമെന്ന് മമ്മൂട്ടിയും മോഹന്‍ലാലും പൃഥ്വിരാജും രമ്യാ നമ്പീശനും അടക്കമുള്ളവര്‍ ആവശ്യപ്പെട്ടു. കഴിഞ്ഞ ദിവസം അമ്മ യോഗത്തില്‍ ദിലീപിനെ ന്യായീകരിച്ചവരെല്ലാം ഇന്ന് ദിലീപിനെതിരെ തിരിയുന്ന കാഴ്ചയാണ്. അമ്മ ജനറല്‍ സെക്രട്ടറി മമ്മൂട്ടിയുടെ പനമ്പള്ളിയിലെ വീട്ടിലാണ് യോഗം ചേര്‍ന്നത്.