തളത്തില്‍ ദിനേശനും ശോഭയും വീണ്ടുമെത്തുന്നു

തളത്തില്‍ ദിനേശനും ശോഭയും വീണ്ടുമെത്തുന്നു. എന്നാല്‍ ഇത്തവണ ശ്രീനിവാസനല്ല തളത്തില്‍ ദിനേശനാകുന്നത്. നിവിന്‍ പോളിക്കാണ് ആ മഹാഭാഗ്യം. അതുപോലെ, ശോഭയാകുന്നത് പാര്‍വതിയുമല്ല. തെന്നിന്ത്യയുടെ താരറാണി നയന്‍‌താരയാണ് പുതിയ ശോഭയാകുന്നത്. ചിത്രത്തിന് പേര് - ലവ് ആക്ഷന്‍ ഡ്രാമ!

ധ്യാന്‍ ശ്രീനിവാസന്‍ തിരക്കഥയെഴുതി സംവിധാനം ചെയ്യുന്ന ചിത്രം നിര്‍മ്മിക്കുന്നത് അജു വര്‍ഗീസാണ്. തളത്തില്‍ ദിനേശനെന്നും ശോഭയെന്നുമാണ് കേന്ദ്ര കഥാപാത്രങ്ങളുടെ പേരെങ്കിലും ചിത്രം വടക്കുനോക്കിയന്ത്രത്തിന്‍റെ രണ്ടാം ഭാഗമോ ആ ചിത്രവുമായി എന്തെങ്കിലും ബന്ധമോ ഉണ്ടാവില്ല. ഈ സിനിമയിലെ ദിനേശനും അല്‍പ്പം അപകര്‍ഷതാ ബോധമൊക്കെയുള്ള ആളാണ്. കഥ പൂര്‍ണമായും ചെന്നൈയിലാണ് നടക്കുന്നത്.