പൃഥ്വിരാജ് ഓഗസ്റ്റ് സിനിമാസ് വിടാനെന്തെങ്കിലും കാരണം?

നടന്‍ പൃഥ്വിരാജും സംവിധായകന്‍ സന്തോഷ് ശിവനും നിര്‍മ്മാതാവ് ഷാജി നടേശനും ഉള്‍പ്പെട്ട സിനിമാ നിര്‍മ്മാണ വിതരണ കമ്പനിയില്‍ നിന്ന് പൃഥ്വിരാജ് പുറത്തേയ്ക്ക്. എന്നാല്‍ പൃഥ്വിരാജ് തന്റെ കൂടി ഉടമസ്ഥതയിലുള്ള സിനിമാ നിര്‍മ്മാണ കമ്പനി വിടുന്നതിന്റെ കാരണം വ്യക്തമല്ല.2010 ലാണ് മൂവരും ചേര്‍ന്ന് ഓഗസ്റ്റ് സിനിമാസ് രൂപീകരിച്ചത്.പിന്നീട് നടി ആര്യയും ഇവരോടൊപ്പം ചേര്‍ന്നു.2011ല്‍ പൃഥ്വിരാജ് നായകനായ ഉറുമിയാണ് ഓഗസ്റ്റ് സിനിമാസിന്റെ ആദ്യ സിനിമ. ഇതേ വര്‍ഷം പൃഥ്വിരാജിന്റെ ഇന്‍ഡ്യന്‍ റുപ്പിയും ഓഗസ്റ്റ് സിനിമാസ് നിര്‍മ്മിച്ചിരുന്നു.ഈ രണ്ടു സിനിമകളുടെയും നിര്‍മ്മാണവും വിതരണവും നടത്തിയത് ഓഗസ്റ്റ് സിനിമാസ് ആയിരുന്നു.2012 ല്‍ ഓഗസ്റ്റ് സിനിമാസിന്റെ നിര്‍മ്മാണത്തില്‍ സിനികളൊന്നും പുറത്തിറങ്ങിയിരുന്നില്ല.എന്നാല്‍ വിതരണം ചെയ്ത മഞ്ചാടിക്കുരു,ബാച്ചിലേഴ്‌സ് പാര്‍ട്ടി,മോളി ആന്റി റോക്‌സ് തുടങ്ങി എല്ലാ സിനിമകളും വേണ്ടത്ര നേട്ടമുണ്ടാക്കിയില്ല

തുടര്‍ന്ന് 2013 ല്‍ പുറത്തിറങ്ങിയ ബാംഗ്‌ളൂര്‍ ഡെയ്‌സിന്റെ വിതരണാവകാശം ഓഗസ്റ്റ് സിനിമാസായിരുന്നു.ബോക്‌സ് ഓഫീസില്‍ മികച്ച വിജയമാണ് ഈ സിനിമാ നേടിയത്.എന്നാല്‍ പിറ്റേ വര്‍ഷം നിര്‍മ്മാണവും വിതരണവും നടത്തിയ മമ്മൂട്ടി ചിത്രം കടല്‍ കടന്നൊരു മാത്തുകുട്ടി ,വിതരണം ചെയ്ത 5 സുന്ദരികള്‍ ഈ രണ്ടു സിനിമകളിലും വന്‍ പരാജയമറിഞ്ഞു.

2014 ല്‍ പുറത്തിറങ്ങിയ ഓഗസ്റ്റി വിതരണം ചെയ്ത് ഫഹദ് ഫാസിലിന്റെ ഈയ്യോബിന്റെ പുസ്തകം അവാര്‍ഡുകള്‍ നേടിയെങ്കിലും വിജയിച്ചില്ല.അതേ വര്‍ഷം തന്നെ പുറത്തിറങ്ങിയ പൃഥ്വി രാജ് ചിത്രങ്ങളായ സപ്തമശ്രീ തസ്‌ക്കരയും സെവന്‍ത് ഡേയും മികവുറ്റതാകാത്തത് ഓഗസ്റ്റ് സിനിമാസിന് വലിയ പണിയായിരുന്നു. 2016 ല്‍ നിര്‍മ്മാണവും വിതരണവും നടത്തിയ ഡബിള്‍ ബാരല്‍ ഓഗസ്റ്റിന് വലിയ നഷ്ടമാണ് വരുത്തിയതായാണ് സിനിമാ റിപ്പോര്‍ട്ടുകള്‍.വിതരണം ചെയ്ത ലുക്കാ ചുപ്പിയും പരാജയമായിരുന്നു.

എന്നാല്‍ 2016 ല്‍ പുറത്തിറങ്ങിയ നാലു സിനിമകള്‍ നിര്‍മ്മിച്ച ഓഗസ്റ്റ് സിനിമാസ് ഇവയുടെ വിതരണവും ഏറ്റെടുത്തു,ഇതില്‍ അനുരാഗ കരിക്കിന്‍ വെള്ളം മൊഴികെ മൂന്നു സിനിമകളും പരാജയപ്പെട്ടു സിനിമകളുടെ പരാജയമാണോ അതോ മറ്റെന്തെങ്കിലും ആഭ്യന്തര പ്രശ്‌നങ്ങളാണോ ഓഗസ്റ്റ് സിനിമാസില്‍ നിന്ന് വിടാന്‍ പൃഥ്വിരാജിനെ പ്രേരിപ്പിച്ചതെന്ന് വ്യക്തമല്ല.തിരുവനന്തപുരം കേന്ദ്രമാക്കിയാണ് ഓഗസ്റ്റ് സിനിമാസ് പ്രവര്‍ത്തിക്കുന്നത്