ഈ പ്രതിസന്ധി മറിടകടക്കാനുള്ള ശേഷി സംഘടനയ്ക്കുണ്ട്‌ ; ലാലിന്റെ ആദ്യ പ്രതികരണം പുറത്ത്

നടി ആക്രമിക്കപ്പെട്ട സംഭവത്തിൽ പ്രതികരണവുമായി മോഹന്‍ലാല്‍ രംഗത്ത്. കലുഷിതമായ അവസ്ഥ താരസംഘടനയായ അമ്മ മറികടക്കും. ഈ പ്രതിസന്ധി മറിടകടക്കാനുള്ള ശേഷി സംഘടനയ്ക്കുണ്ടെന്നും അദ്ദേഹം പറഞ്ഞു.കൊച്ചിയില്‍ നടി ആക്രമിക്കപ്പെട്ട സംഭവത്തിൽ ആദ്യമായാണ് മോഹന്‍ലാല്‍ പ്രതികരിക്കുന്നത്.

താരസംഘടനയ്ക്ക് ഇത്തരം അവസ്ഥകള്‍ ഇതിനു മുമ്പും ഉണ്ടായിട്ടുണ്ടെന്നും മോഹന്‍ലാല്‍ പറഞ്ഞു. അമ്മയുടെ വാര്‍ഷിക പൊതുയോഗത്തിനു ശേഷം കൊച്ചിയിൽ നടന്ന വാർത്താസമ്മേളനത്തില്‍ പ്രതികരിക്കാതെ ഒഴിഞ്ഞു മാറി നില്‍ക്കുകയായിരുന്ന മോഹന്‍ലാല്‍ ദിലീപിന്റെ നേതൃത്വത്തില്‍ രൂപം കൊടുത്ത പുതിയ തിയറ്റര്‍ സംഘടന ഫിയോകിന്റെ ഉദ്ഘാടന വേദിയിലാണ് പ്രതികരിക്കുന്നത്.