ഇന്ദ്രാണി മുഖര്‍ജിക്ക് ജയിലില്‍ ഭീഷണി

ഷീന ബോറ വധക്കേസ് പ്രതി ഇന്ദ്രണി മുഖര്‍ജിക്ക് ജയിലില്‍ ലൈംഗിക പീഡന ഭീഷണി. മുംബൈയിലെ ബൈക്കുള ജയിലിലാണ് ഇന്ദ്രാണി മുഖര്‍ജി തടവില്‍ കഴിയുന്നത്. ജയിലില്‍ മര്‍ദ്ദനത്തിനിരയായതായും ലൈംഗികമായി പീഡിപ്പിക്കുമെന്ന ഭീഷണി നേരിടുന്നതായും ഇന്ദ്രാണി മുഖര്‍ജി കോടതിയെ അറിയിച്ചു. ബൈക്കുള ജയിലില്‍ കഴിഞ്ഞ ദിവസം മഞ്ജുള ഷത്യ എന്ന തടവുകാരി പോലീസുകാരുടെ മര്‍ദ്ദനത്തിനിരയായി കൊല്ലപ്പെട്ടിരുന്നു. ഈ സംഭവത്തില്‍ പ്രതിഷേധിച്ചതാണ് ഭീഷണിക്ക് കാരണമെന്ന് ഇന്ദ്രാണി കോടതിയെ അറിയിച്ചു. ഇന്ദ്രാണിയുടെ അഭിഭാഷകന്‍ ഇക്കാര്യം കോടതിയില്‍ അറിയിച്ചതിനെ തുടര്‍ന്ന് അവരെ ബുധനാഴ്ച കോടതിയില്‍ ഹാജാരാക്കാന്‍ മുംബൈയിലെ പ്രത്യേക കോടതി ഉത്തരവിട്ടു. ഇന്ദ്രാണിയുടെ അഭിഭാഷകന്‍ ഗുഞ്ജന്‍ മംയാണ് പ്രത്യേക സിബിഐ കോടതിയെ സമീപിച്ചത്.

കഴിഞ്ഞ വെള്ളിയാഴ്ചയാണ് മഞ്ജുള എന്ന തടവുകാരി ജയിലില്‍ കൊല്ലപ്പെട്ടത്. പ്രഭാത ഭക്ഷണത്തില്‍ രണ്ട് മുട്ടയും അഞ്ച് റൊട്ടിയും കുറഞ്ഞതായി മഞ്ജുള ചൂണ്ടിക്കാട്ടിയതാണ് മര്‍ദ്ദനത്തിനും കൊലപാതകത്തിനും കാരണം. മഞ്ജുളയെ നഗ്നയാക്കി മര്‍ദ്ദിച്ച പോലീസുകാര്‍ അവരുടെ ജനനേന്ദ്രിയത്തില്‍ ലാത്തി കയറ്റുകയും ചെയ്തു.