മെട്രോ : ട്രാന്‍സ്‌ജെന്‍ഡര്‍ ജീവനക്കാരുടെ താമസ സൗകര്യം സംബന്ധിച്ച പ്രശ്‌നത്തില്‍ സര്‍ക്കാര്‍ ഇടപെടുന്നു

മെട്രോയിലെ ട്രാന്‍സ്‌ജെന്‍ഡര്‍ ജീവനക്കാര്‍ക്ക് താമസ സൗകര്യം ഒരുക്കുമെന്ന് മന്ത്രി കെ.ടി ജലീല്‍ വ്യക്തമാക്കി. ഭിന്നലിംഗക്കാര്‍ക്ക് താമസസൗകര്യം ഒരുക്കാമെന്ന് കെഎംആര്‍എല്‍ എംഡി ഏലിയാസ് ജോര്‍ജ് ഉറപ്പ് നല്‍കിയിട്ടുണ്ടെന്നും ഇക്കാര്യം ഉറപ്പു വരുത്താന്‍ കുടുംബശ്രീയ്ക്ക് ചുമതല നല്‍കിതെന്നും ജലീല്‍ വ്യക്തമാക്കി.

കാക്കനാട്ട് പ്രവര്‍ത്തിക്കുന്ന കന്യാസ്ത്രീകളുടെ മേല്‍നോട്ടത്തിലുള്ള ഹോസ്റ്റലില്‍ ഇവര്‍ക്ക് താമസ സൗകര്യം ഒരുക്കുന്നത്. ഇവര്‍ക്ക് വാഹന സൗകര്യം ഏര്‍പ്പെടുത്തുന്ന കാര്യവും പരിഗണനയിലുണ്ട്. അവഗണനയെ തുടര്‍ന്നും സാമസ സൗകര്യം ലഭിക്കാഞ്ഞതിനെ തുടര്‍ന്നും കൊച്ചി മെട്രോയിലെ ട്രാന്‍സ്‌ജെന്‍ഡര്‍ ജീവനക്കാര്‍ ജോലി ഉപേക്ഷിക്കുന്നതായി റിപ്പോര്‍ട്ടുകളുണ്ടായിരുന്നു. ഇതേതുടര്‍ന്നാണ് മന്ത്രി ഇടപെട്ടത്.