കേരളം പനിച്ച് തന്നെ ; ഇതുവരെ മരണം 176

കേരളം പനിച്ച് തന്നെ. സംസ്‌ഥാനത്ത്‌ ഇതുവരെ 176 പനിമരണമാണ്‌ റിപ്പോര്‍ട്ട്‌ ചെയ്‌തിട്ടുള്ളത്‌. സര്‍വകാലറെക്കോഡാണിത്‌. പനി വ്യാപകമായ 2015ല്‍ പേലും 114 പേരാണ്‌ മരിച്ചത്‌. ഇന്നലെ നാലുമരണമാണ്‌ റിപ്പോര്‍ട്ട്‌ ചെയ്‌തത്‌. തിങ്കളാഴ്‌ചയും ഇന്നലെയുമായി പനിമരണം 13.

പനി പടര്‍ന്നുപിടിച്ചു ദിവസങ്ങളായെങ്കിലും ആരോഗ്യവകുപ്പ്‌ പരാജയപ്പെട്ടതോടെ ആയിരങ്ങളാണ്‌ ചികിത്സതേടി വിവിധ ആശുപത്രികളില്‍ എത്തുന്നത്‌.ഇന്നലെ 20,300 പേര്‍ വിവിധ ആശുപത്രികളില്‍ ചികിത്സ തേടി. പനിക്കു ശമനമില്ലാത്ത സാഹചര്യത്തില്‍ രാഷ്‌ട്രീയ പാര്‍ട്ടികള്‍ പ്രതിരോധ-ശുചീകരണ പ്രവര്‍ത്തനങ്ങളുമായി രംഗത്തെത്തിയിട്ടുണ്ട്‌. പ്രതിപക്ഷ നേതാവ്‌ രമേശ്‌ ചെന്നിത്തലയുടെ മണ്ഡലമായ ഹരിപ്പാട്ട്‌ ശുചീകരണ പ്രവര്‍ത്തനങ്ങള്‍ നടത്തി കോണ്‍ഗ്രസ്‌ തുടക്കമിട്ടു. ഓരോ പ്രദേശത്തേയും പൊതുസ്‌ഥലങ്ങളും കെട്ടിടങ്ങളും വീടുകളും പരിസര പ്രദേശങ്ങളും ശുചീകരിക്കാന്‍ പാര്‍ട്ടി പ്രവര്‍ത്തകര്‍ രംഗത്തിറങ്ങണമെന്ന സംസ്‌ഥാന സെക്രട്ടേറിയറ്റിന്റെ ആഹ്വാനവുമായി സി.പി.എം. രംഗത്തുണ്ട്‌.