പകർച്ചപ്പനി: ആരോഗ്യമന്ത്രിയും ആരോഗ്യ വകുപ്പും പൂർണ പരാജയമെന്ന് രമേശ് ചെന്നിത്തല

സംസ്ഥാനത്ത് പടര്‍ന്നുപിടിക്കുന്ന പകർച്ചപ്പനി നിയന്ത്രിക്കുന്നതിൽ ആരോഗ്യമന്ത്രി പൂർണ പരാജയമെന്ന് പ്രതിപക്ഷ നേതാവ് രമേശ് ചെന്നിത്തല. ഇത്തരമൊരു സാഹചര്യത്തില്‍ ആവശ്യമായ നടപടി കൈക്കൊള്ളണമെന്നാവശ്യപ്പെട്ട് മുഖ്യമന്ത്രി പിണറായി വിജയനുമായി കൂടിക്കാഴ്​ച നടത്തിയതായും അദ്ദേഹം പറഞ്ഞു.

പനി തടയുന്ന കാര്യത്തില്‍ സർക്കാർ പൂർണമായും പരാജയപ്പെട്ടു. വാർഡ്​ തലംമുതൽക്കു തന്നെ ശുചീകരണ പ്രവർത്തനങ്ങൾ ഏകോപിപ്പിച്ചാൽ മാത്രമേ പനി തടയാന്‍ കഴിയൂ. പനി ബാധിച്ച്​ മരിച്ചവരുടെ കുടുംബാംഗങ്ങൾക്ക്​ നഷ്ടപരിഹാരം നൽകണമെന്ന കാര്യവും മുഖ്യമന്ത്രിയോട്​പറഞ്ഞിട്ടുണ്ടെന്നും ചെന്നിത്തല മാധ്യമപ്രവര്‍ത്തകരോട് പറഞ്ഞു.