‘നസ്രിയ ഗര്‍ഭിണിയാണെന്ന്‌…. ‘: നസ്രിയ പറയുന്നത് കേള്‍ക്കൂ…!!

സോഷ്യല്‍ മീഡിയ എപ്പോഴും സിനിമ താരങ്ങളുടെ പുറകെയാണ്. സെലിബ്രറ്റികളുടെ മരണവും ജനനവുമാണ് സോഷ്യല്‍ മീഡിയ്ക്ക് ഏറ്റവും ഇഷ്ടപ്പെട്ട വിഷയം. കാരണം ഒരുപാട് ചര്‍ച്ചകള്‍ക്ക് സ്‌കോപ്പുണ്ട്. ഒരു സമയത്ത് മുഴുവന്‍ നടിനടന്‍മാരെയും കൊല്ലുകയായിരുന്നു. ആ സീസണ്‍ കഴിഞ്ഞുവെന്ന് തോന്നുന്നു. ഇപ്പോഴത്തെ ട്രെന്‍ഡ് താരജോടികള്‍ക്ക് കുട്ടികള്‍ ഉണ്ടാകുന്നതാണ്. അതില്‍ സ്ഥാനം പിടിച്ചിരിക്കുന്നത് അധികം നമ്മുടെ യുവനടന്‍മാര്‍ തന്നെയാണ്. ആസിഫ് അലി, ദുല്‍ഖര്‍ സല്‍മാന്‍, നിവിന്‍ പോളി എന്നിവര്‍ക്ക് കുഞ്ഞുങ്ങള്‍ ജനിച്ചതോടെ സോഷ്യല്‍ മീഡിയയുടെ അടുത്ത നറുക്ക് വീണത്‌ ഫഹദ് ഫാസിലിനും നസ്രിയയ്ക്കും നേരേയാണ്. യുവ താര ദമ്പതികളുടെ വിവാഹം കഴിഞ്ഞ് രണ്ടു വര്‍ഷം പിന്നിടുമ്പോള്‍ നസ്രിയ ഗര്‍ഭിണിയാണെന്ന വാര്‍ത്ത കഴിഞ്ഞ ദിവസം പ്രചരിച്ചിരുന്നു. നസ്രിയയും ഫഹദും കഴിഞ്ഞ ദിവസം ആശുപത്രിയില്‍ സന്ദര്‍ശനം നടത്തിയതും ദമ്പതികളെ സന്ദര്‍ശിക്കാന്‍ കുടുംബാംഗങ്ങള്‍ ബംഗലൂരുവിലെ ഫ്ലാറ്റിലെത്തിയതുമാണ് ഗോസിപ്പുകള്‍ പ്രചരിക്കാന്‍ കാരണം. .

എന്നാല്‍ വാര്‍ത്തകള്‍ തള്ളി നസ്രിയ തന്നെ രംഗത്തെത്തി. വ്യാജ പ്രചരണത്തിനുള്ള എന്റെ മറുപടി എന്ന പേരില്‍ ഒരു വീഡിയോ പോസ്റ്റ് ചെയ്താണ് പ്രതികരണം. വാര്‍ത്തകള്‍ പുറത്ത് വിടുന്നതിന് മുമ്പ് അതിന്റെ സത്യാവസ്ഥ മനസ്സിലാക്കിയിട്ട് വേണം പുറത്ത് വിടാനെനനും നസ്രിയ പോസ്റ്റില്‍ പറയുന്നു. വാര്‍ത്ത വന്നതോടെ ദമ്പതികളുടെ ഫെയ്‌സ്ബുക്ക് പേജ് നിറയെ ആശംസകളായിരുന്നു.