മെട്രോ വേദിയില്‍ ശ്രീധരനും ചെന്നിത്തലയ്ക്കും സ്ഥാനമുണ്ടാകുമെന്ന് കുമ്മനം

മെട്രോ ഉദ്ഘാടന വേദിയില്‍ ഡി.എം.ആര്‍.സി ഉപദേഷ്ടാവ് ഇ.ശ്രീധരനും പ്രതിപക്ഷ നേതാവ് രമേശ് ചെന്നിത്തലയ്ക്കും സ്ഥാനമുണ്ടാകുമെന്ന് ബി.ജെ.പി സംസ്ഥാന അധ്യക്ഷന്‍ കുമ്മനം രാജശേഖരന്‍. ഇതുസംബന്ധിച്ച അറിയിപ്പ് പ്രധാനമന്ത്രിയുടെ ഓഫീസില്‍ നിന്ന് ലഭിച്ചതായും കുമ്മനം പറഞ്ഞു.

ശ്രീധരനെ ഒഴിവാക്കിയെന്ന പേരിലുള്ള വിവാദങ്ങള്‍ അനാവശ്യമായിരുന്നു. ആദ്യലിസ്റ്റാണ് കഴിഞ്ഞ ദിവസം പുറത്തിറങ്ങിയത്. രണ്ടാമത്തെ ലിസ്റ്റ് ഉടന്‍ പുറത്തിറങ്ങുമെന്നും അറിയിച്ചിരുന്നു. ഒന്‍പത് പേരെ ഉള്‍പ്പെടുത്തിയാണ് രണ്ടാമത്തെ ലിസ്റ്റ് ഇറക്കിയത് എന്ന് അദ്ദേഹം വ്യക്തമാക്കി.