വിജയ് മല്യക്കെതിരെ എന്‍ഫോഴ്‌സ്‌മെന്റ് ഡയറക്ടറേറ്റ് കുറ്റപത്രം സമര്‍പ്പിച്ചു

വിജയ് മല്യക്കെതിരെ എന്‍ഫോഴ്‌സ്‌മെന്റ് ഡയറക്ടറേറ്റ് കുറ്റപത്രം സമര്‍പ്പിച്ചു. കിംഫ്ഫിഷര്‍ എയര്‍ലൈന്‍സിന് ഐഡിബിഐ ബാങ്ക് ചട്ടവിരുദ്ധമായി 900 കോടിയുടെ വായ്പ നല്‍കിയതായി കുറ്റപത്രത്തില്‍ പറയുന്നത്.

വായ്പകള്‍ അനുവദിക്കുന്നതിന് ഇരു സ്ഥാപനങ്ങളിലെയും ഉന്നതര്‍ ഗുഢാലോചന നടത്തിയെന്നു പറയുന്ന കുറ്റപത്രത്തില്‍ ഇവരില്‍ ഏതാനും പേരെ പ്രതിചേര്‍ത്തിട്ടുമുണ്ട്. 2009 ഒക്ടോബറില്‍ ഐഡിബിഐ 150 കോടിയുടെ ഒരു വായ്പ അനുവദിച്ചിരുന്നു. ഇതിന് പുറമെ ഇതേ ബാങ്കില്‍ നിന്നും 750 കോടിയുടെ വായ്പയും 200 കോടിയുടെ മറ്റൊരു വായ്പയും എടുത്തിരുന്നു. മൊത്തം 17 ബാങ്കുകളില്‍ നിന്നും 9000 കോടിയുടെ വായ്പയാണ് എടുത്തത്.

ലണ്ടനിലെ കോടതി മല്യക്ക് ജാമ്യം അനുവദിച്ച് ഒരു ദിവസം കഴിയുമ്പോഴാണ് എന്‍ഫോഴ്‌സ ഡയറക്ടറേറ്റിന്റെ തീരുമാനം. കഴിഞ്ഞ വര്‍ഷമാണ് എന്‍ഫോഴ്‌സ്‌മെന്റ് ഡയറക്ടറേറ്റ് ക്രിമിനല്‍ കേസ് രജിസ്റ്റര്‍ചെയ്തത്.