ഭക്ഷ്യ വസ്തുക്കള്‍ക്ക് വില കുറയും

ജി.എസ്.ടി നികുതി ഘടന നിശ്ചയിച്ചു. കേന്ദ്ര-സംസ്ഥാന ധനമന്ത്രിമാര്‍ അടങ്ങുന്ന സമിതിയാണ് നികുതിഘടന നിശ്ചയിച്ചത്. 1200ഓളം വസ്തുക്കളുടെ നികുതി അന്തിമമായി നിശ്ചയിച്ചു. ശ്രീനഗറില്‍ ചേര്‍ന്ന സമിതി യോഗത്തിലാണ് നികുതി ഘടന നിശ്ചയിച്ചത്. 1211 ഇനങ്ങളില്‍ ആറ് എണ്ണം ഒഴികെയുള്ളവയുടെ നികുതി നിശ്ചയിച്ചതായി കേന്ദ്ര ധനമന്ത്രി അരുണ്‍ ജെയ്റ്റ്‌ലി ശ്രീനഗറില്‍ പറഞ്ഞു.

പുതിയ നികുതി നിരക്ക് 5-28 ശതമാനം വരെയാണ് . 12, 18 ശതമാനമായിരിക്കും അടിസ്ഥാന നിരക്ക്. കല്‍ക്കരിക്ക് 5 ശതമാനം നികുതിയും ടണ്ണിന് 400 രൂപ വീതം ലെവിയും ആകും. പാല്‍ ഉള്‍പ്പെടെയുള്ള ഭക്ഷ്യ വസ്തുക്കള്‍ക്ക് നികുതിയില്ല. അതേസമയം സംസ്‌കരിച്ച ഭക്ഷ്യ വസ്തുക്കളുടെ നികുതി ഘടന നിശ്ചയിച്ചിട്ടില്ല. കാപ്പി, ഭക്ഷ്യ എണ്ണ തുടങ്ങിയവയ്ക്ക് 5 ശതമാനം നിരക്കില്‍ നികുതിയാകുമെന്ന് റവന്യു സെക്രട്ടറി ഹസ്മുഖ് ആദിയ വ്യക്തമാക്കി.