ബ്രാന്‍ഡുകള്‍ പ്രഭാസിനു പിറകെ;മൂഡില്ലെന്നു താരം

ബാഹുബലിയുടെ വന്‍ വിജയത്തിനു ശേഷം പ്രഭാസിനെ തേടി നിരവധി ബ്രാന്‍ഡുകളുടെ പരസ്യ നിര്‍മ്മാതാക്കള്‍ എത്തുന്നുണ്ട്.കോടികളുടെ കരാറാണ് വാഗ്ദാനം.പക്ഷെ ബ്രാന്‍ഡുകളുമായി കരാറുണ്ടാക്കാന്‍ താരത്തിന് യാതൊരു താല്‍പര്യവുമില്ല.18 കോടിയോളം രൂപയുടെ വാഗ്ദാനമുണ്ടായിട്ടും ബാഹുബലി താരപ്രതിഭയുടെ കണ്ണ് പരസ്യത്തിലുടക്കിയിട്ടില്ല.

ഇതാദ്യമായല്ല താരം പരസ്യകമ്പിനികളോട് നോ പറയുന്നത്.ബാഹുബലി ആദ്യ ഭാഗത്തിന്റെ വമ്പന്‍ വിജയത്തിനു ശേഷവും വലിയ കരാറുകളുമായി സമീപിച്ച ബ്രാന്‍ഡുകളോട് കൂടാന്‍ പ്രഭാസിന് താല്‍പര്യമില്ലായിരുന്നെന്നാണ് റിപ്പോര്‍ട്ടുകള്‍

ബാഹുബലിയുടെ വിജയത്തിനു ശേഷം യു എസില്‍ അവധിക്കാലമാസ്വദിക്കുന്ന താരം തിരികയെത്തിയ ശേഷം മാത്രമേ കരാറുകള്‍ സംബന്ധിച്ചുള്ള അന്തിമ തീരുമാനമുണ്ടാകൂ.പക്ഷെ അടുത്ത ത്രിഭാഷാ ബിഗ് ബജറ്റ് ചിത്രം സഹോയുടെ ചിത്രീകരണം ജൂലൈയില്‍ തുടങ്ങാനിരിക്കെ പരസ്യങ്ങളുടെ പിറകെ താരം പോകില്ലെന്നാണ് റ്റോളിവുഡ് വാര്‍ത്തകള്‍