എസ്ബിഐയുടെ കൊള്ള : ഓരോ എടിഎം ഇടപാടിനും 25 രൂപ സര്‍വീസ് ചാര്‍ജ്

എസ്ബിഐയുടെ കൊള്ള വീണ്ടും ഉപഭോക്‍താക്കളെ വലയ്ക്കുന്നു. ഓരോ എടിഎം ഇടപാടുകള്‍ക്ക് ഇരുപത്തഞ്ച് രൂപ സര്‍വീസ് ചാര്‍ജ് ഈടാക്കാനാണ് എസ്ബിഐയുടെ തീരുമാനം. ജൂണ്‍ ഒന്നുമുതലാണ് ചാര്‍ജ് ഈടാക്കുക.

എടിഎമ്മില്‍ സര്‍വീസ് ചാര്‍ജ് ഈടാക്കുന്നതോടെ നിലവില്‍ എടിഎം വഴി ലഭിച്ചിരുന്ന സൗജന്യ ഇടപാടുകള്‍ ഇല്ലാതാകും. അസോസിയേറ്റ് ബാങ്കുകള്‍ എസ് ബി ഐയില്‍ ലയിച്ചപ്പോഴുണ്ടായ സാമ്പത്തിക നഷ്‌ടം മറികടക്കുന്നതിനാണ് എസ് ബി ഐ മറ്റൊരു ഭീമന്‍ കൊള്ളയ്‌ക്ക് ഒരുങ്ങിയത്. നിലവിൽ ഒരു മാസം അഞ്ചു തവണ എടിഎം സേവനങ്ങൾ സൗജന്യമായിരുന്നു ഇതാണ് ഇല്ലാതാക്കുന്നത്. മുഷിഞ്ഞ നോട്ടുകൾ മാറുന്നതിനും സർവീസ് ചാർജ് ഈടാക്കാനും എസ്ബിഐ പുറത്തിറക്കിയ സർക്കുലറിൽ നിർദേശിക്കുന്നു.