രാജമൗലിയ്ക്ക് കണ്‍ഫ്യൂഷന്‍, അടുത്ത നായകനാര്?

ബാഹുബലിയുടെ മിന്നുന്ന പ്രകടനത്തിനു ശേഷം അടുത്ത സിനിമയ്ക്കായി ഒരുങ്ങുന്ന എസ് എസ് രാജമൗലി ആരേ നായകനാക്കുമെന്നാണ് സിനിമാ ലോകം ഉറ്റു നോക്കുന്നത്.ബാഹുബലിയിലൂടെ ലോകംമുഴുവന്‍ ആരാധകരേ സൃഷ്ടിച്ച പ്രഭാസിനെ തന്നെയാകുമോ അതോ ബോളിവുഡ് സുന്ദരന്‍ രണ്‍ബീര്‍ കപൂറിനെയാകുമോ രാജമൗലി അടുത്ത നായകനായി പരിഗണിക്കുക എന്നു വ്യക്തമല്ല. ബാഹുബലിയോടൊപ്പമുള്ള നീണ്ട യാത്രയ്ക്കു ശേഷം സിനിമയോട് മാനസികമായിവിട പറഞ്ഞ രാജമൗലി തന്റെ അടുത്ത ചിത്രത്തിനായി തിരക്കഥ എഴുതിത്തുടങ്ങിയെന്നാണ് റിപ്പോര്‍ട്ടുകള്‍.തെലുങ്ക്,തമിഴ്,ഹിന്ദി ഭാഷകളില്‍ നിര്‍മ്മിക്കുന്ന ഫാന്റസി അഡ്വഞ്ചര്‍ ബിഗ് ബജറ്റ് ചിത്രത്തിന്റെ തിരക്കഥയാണ് രാജമൗലി എഴുതിത്തുടങ്ങിയിരിക്കുന്നതെന്നാണഅ സിനിമാ വൃത്തങ്ങളില്‍ നിന്നുള്ള സൂചന.

ഏറ്റവും പുതിയ ചിത്രത്തില്‍ രണ്‍ബീറിന്റെ പ്രകടനത്തില്‍ സന്തുഷ്ടി രേഖപ്പെടുത്തിയ സംവിധായകന്‍ പക്ഷെ മാസ് ഹിറ്റ് സമ്മാനിച്ച പ്രഭാസിനെ കൈവിടാന്‍ തയ്യാറാകുമോ എന്നു വ്യക്തമല്ല.