ഒറ്റ രാത്രികൊണ്ട് അപ്രത്യക്ഷമായ കടല്‍ തീരം 33 വര്‍ഷങ്ങള്‍ക്ക് ശേഷം തിരികെ എത്തി…!

പടിഞ്ഞാറന്‍ അയര്‍ലന്‍ഡിലുള്ള ആഷ് ദ്വീപ് നിവാസികള്‍ പ്രകൃതിയുടെ വികൃതി കണ്ട് അത്ഭുതപ്പെട്ടിരിക്കുകയാണ്. ഒറ്റരാത്രികൊണ്ട് അപ്രത്യക്ഷമായ കടല്‍ത്തീരം 33 വര്‍ഷത്തിനു ശേഷം തിരികെ കിട്ടിയ ഞെട്ടലിലാണ് അവര്‍. 1984 ല്‍ കൂറ്റന്‍ തിരമാലകള്‍ വന്ന്‌ ആഷ് ദ്വീപിലെ ദൂവാഹ് കടല്‍ത്തീരത്തെ അപ്പാടെ ഇല്ലാതാക്കുകയായിരുന്നു. ഒരു രാത്രിയുടെ മറവില്‍ ഒരു മണല്‍ത്തരിപോലും അവശേഷിപ്പിക്കാതെ ആ കൂറ്റന്‍ തിര മറയുകയായിരുന്നു.

അതോടെ ആഷ് ദ്വീപ് കടല്‍ത്തീരത്ത് ആളും ആരവങ്ങളുമൊഴിഞ്ഞു. കാലങ്ങള്‍ കഴിയുന്തോറും എല്ലാരും കടല്‍ത്തീരത്തേയും മറന്നു തുടങ്ങി. കല്ലുകള്‍ മാത്രമായി കടല്‍ത്തീരം അവശേഷിച്ചു. സ്വദേശ- വിദേശ ടൂറിസ്റ്റുകളും തീരത്തെ അവഗണിച്ചു. കടല്‍ത്തീരത്തുള്ള ഹോട്ടലുകളും ഹോം സ്‌റ്റേകളും അടച്ചുപൂട്ടി.

ഒരു രാത്രികൊണ്ടു കുറ്റന്‍ തിര വലിച്ചെടുത്ത ആ കടല്‍ത്തീരം കഴിഞ്ഞ ഈസ്റ്റര്‍ കാലത്തില്‍ കനത്തൊരു വേലിയേറ്റത്തില്‍ പ്രകൃതി തിരികെ കൊണ്ടു വന്നു. ഒരാഴ്ചയോളം കൊണ്ടു തീരത്തു പൂര്‍ണമായി മണല്‍കൊണ്ട് നിറഞ്ഞു തുളുമ്പി പ്രകൃതി കാട്ടിയ വികൃതിയില്‍ ലോകമൊന്നാകെ അത്ഭുതപ്പെട്ടിരിക്കുകയാണ്. കടല്‍ത്തീരം തിരികെ എത്തിയെന്ന വാര്‍ത്ത പുറത്തു വന്നതോടെ അവിടേക്ക്‌ സന്ദര്‍ശകരുടെ സന്ദര്‍ശകരുടെ തിരക്കാണെന്നാണ് റിപ്പോര്‍ട്ടുകള്‍.