പുത്തന്‍ ലുക്കില്‍ ഹോണ്ടയുടെ സ്‌കൂപ്പി

ക്ലാസിക് ലുക്കില്‍ ഹോണ്ടയുടെ പുതിയ സ്‌കൂപ്പി സ്‌കൂട്ടര്‍ ഇന്ത്യയില്‍ എത്തിക്കുന്നു. 1844 എംഎം നീളവും 699 എംഎം വീതിയും 1070 എംഎം ഉയരവും 1240 എംഎം വീല്‍ബേസും 150 എംഎം ഗ്രൗണ്ട് ക്ലിയറന്‍സുമാണ് വാഹനത്തിനുള്ളത്. 8.9 ബിഎച്ച്പി കരുത്തും 9.4 എന്‍എം ടോര്‍ക്കുമേകുന്ന 108.2 സിസി എഞ്ചിനാണ് ഇന്തോനേഷ്യന്‍ സ്പെക്കിനെ മുന്നോട്ടു നയിക്കുക. എന്നാല്‍ ഇന്ത്യന്‍ സ്‌കൂപ്പിക്ക് പുതിയ ആക്ടിവ 4g നല്‍കിയ എഞ്ചിന്‍ ഉള്‍പ്പെടുത്താനാണ് സാധ്യത. 109.19 സിസി കാര്‍ബറേറ്റഡ് എഞ്ചിന്‍ 8 ബിഎച്ച്പി കരുത്തും 9 എന്‍എം ടോര്‍ക്കുമേകും. 40-45 കിലോമീറ്ററാണ് കമ്പനി വാഗ്ദാനം ചെയ്യുന്ന ഇന്ധന ക്ഷമത. ഏകദേശം 70000 രൂപയ്ക്കടുത്തായിരിക്കും വാഹനത്തിന്റെ വിപണി വില. അധികം വൈകാതെ തന്നെ ഇന്ത്യന്‍ നിരത്തുകളില്‍ എത്തുമെന്നാണ് ലഭ്യമാകുന്ന വിവരങ്ങള്‍.