മാണിയുടെ നോട്ടെണ്ണുന്ന മെഷീന്‍ സിപിഎമ്മിന് അറിയാം : കോണ്‍ഗ്രസ്

കോട്ടയത്ത് ജില്ലാ പഞ്ചായത്ത് പ്രസിഡന്റ് തെരഞ്ഞെടുപ്പുമായി ബന്ധപ്പെട്ട് കേരളാ കോണ്‍ഗ്രസിന്റെ മലക്കം മറിച്ചിലില്‍ കോണ്‍ഗ്രസില്‍ നിന്നും വന്‍ വിമര്‍ശനമാണ് ഉയരുന്നത്. കെ എം മാണിക്ക് നോട്ടെണ്ണുന്ന യന്ത്രമുണ്ടെന്ന് ആക്ഷേപിച്ച സിപിഎം അത് എവിടെയാണ് വിശദീകരിക്കണമെന്ന് കോണ്‍ഗ്രസ്. ബാര്‍കോഴ കേസില്‍ ഒരു മാസത്തിനകം അന്തിമ റിപ്പോര്‍ട്ട് സമര്‍പ്പിക്കണമെന്ന വിജിലന്‍സ് ആവശ്യം മുന്നില്‍ നില്‍ക്കേ ഇതിന്റെ ഭാവിയും പുതിയ രാഷ്ട്രീയ സംഭവ വികാസങ്ങളും തമ്മില്‍ ഏതെങ്കിലും തരത്തില്‍ ബന്ധപ്പെട്ടിട്ടുണ്ടോയെന്ന പരിശോധന ആവശ്യമാണെന്നും പിടി തോമസ് എംഎല്‍എ പറഞ്ഞു. മാണിയുടെ വീട്ടിലെ നോട്ട് എണ്ണുന്ന യന്ത്രത്തില്‍ നിന്നും എത്ര രൂപ വാങ്ങിയെന്ന് സിപിഎം വ്യക്തമാക്കണമെന്ന് പിസി ജോര്‍ജ്ജും പറഞ്ഞുആവശ്യപ്പെട്ടു. 2015 ല്‍ ബാര്‍കോഴ വിവാദത്തില്‍ കുടുങ്ങിയപ്പോഴാണ് മാണിയുടെ വീട്ടില്‍ പണമെണ്ണുന്ന യന്ത്രമുണ്ടെന്ന ആരോപണം ഉയര്‍ന്നത്.