“മെസേജ് വന്ന് വാട്‌സ് ആപ്പിന്റെ ഒരു വശം തൂങ്ങി… “: സദസ്സിനെ ചിരിപ്പിച്ച് സുരഭി

ദേശീയ പുരസ്‌ക്കാരം ലഭിച്ചതിന്റെ അഹങ്കാരമൊന്നും നടി സുരഭിക്കില്ല. സുരഭിയുടെ തനി നാടന്‍ സംസാരരീതി തന്നെ അതിന് തെളിവാണ്. കഴിഞ്ഞ ദിവസം കോഴിക്കോട് പൗരാവലി ഒരുക്കിയ സ്വീകരണത്തില്‍ താരം ആളുകളെ കൈയിലെടുത്തു. സ്വതസിദ്ധമായ ശൈലിയില്‍ സുരഭി സംസാരിക്കുന്നത് കേട്ട് അതിഥിയായി എത്തിയ സുരേഷ് ഗോപിക്ക് പോലും ചിരി അടക്കാന്‍ കഴിഞ്ഞില്ല. സംസ്ഥാന അവാര്‍ഡിനു ശേഷം തനിക്കുണ്ടായ അനുഭവങ്ങള്‍ പങ്കുവച്ചു കൊണ്ടാണു സുരഭി സംസാരിക്കാന്‍ ആരംഭിച്ചത്. ദിവസം 10-12 കോളുകള്‍ വന്നിരുന്ന തനിക്കിപ്പോള്‍ 2000 കോളുകള്‍ വരെ വരുന്നു.

ഹിന്ദിയിലും ഇംഗ്ലീഷിലും മെസേജുകള്‍ വരുന്നു. മെസേജ് വന്ന് വാട്‌സ് ആപ്പിന്റെ വശം തൂങ്ങിപ്പോയി എന്നും സുരഭി പറഞ്ഞു. പ്രസംഗം തുടരുന്നതിനടയില്‍ സുരേഷ് ഗോപിയുടെ വിമാനം പോകുമെന്നു പറഞ്ഞപ്പോള്‍ സുരഭി അതും കോമഡിയാക്കി. ഒരു വിമാനമൊക്കെ പിടിച്ചു വയ്ക്കാനുള്ള കഴിവുള്ള ആളാണു സുരേഷ് ഗോപി എന്നായിരുന്നു താരം പറഞ്ഞത്. എന്നാല്‍ ഈ സംസാരം കേട്ടിരുന്നാല്‍ നാളത്തെ വിമാനത്തിനു പോകേണ്ടി വരും എന്നായിരുന്നു സുരേഷ് ഗോപിയുടെ മറുപടി.