റിച്ചിയുടെ തകര്‍പ്പന്‍ ടീസര്‍ എത്തി

നിവിൻ പോളി നായകനാകുന്ന ആദ്യ മുഴുനീള തമിഴ് ചിത്രം റിച്ചിയുടെ ടീസര്‍ പുറത്തുവന്നു. റക്ഷിത്ത് ഷെട്ടി തിരക്കഥ രചിച്ച ഈ ചിത്രം സംവിധാനം ചെയ്യുന്നത് ഗൗതം രാമചന്ദ്രനാണ്. തനി റൗഡി വേഷത്തിലാണ് നിവിന്‍ ഈ ചിത്രത്തില്‍ പ്രത്യക്ഷപ്പെടുന്നത്. പ്രകാശ് രാജും നിവിനുമാണ് ഈ ടീസറിലുള്ളത്. മേയ് 11 നാണ് ഈ ചിത്രം തിയേറ്ററുകളിലേക്കെത്തുന്നത്.

ചിത്രത്തിന് വേണ്ടി നിവിന്‍ തന്നെയാണ് ഡബ്ബ് ചെയ്തിട്ടുള്ളതെന്നതാണ് മറ്റൊരു വലിയ പ്രത്യേകത. രക്ഷിത് ഷെട്ടി സംവിധാനം ചെയ്ത ഉല്‍ടവറാ കണ്ടെന്‍തെ എന്ന കന്നഡ ചിത്രത്തിന്റെ തമിഴ് റീമേക്കാണ് റിച്ചി. പ്രേമം, ആനന്ദം, സഖാവ് തുടങ്ങിയ ചിത്രങ്ങളിലെ അതേ ഗെറ്റപ്പിലാണ് നിവിന്‍ ഈ ചിത്രത്തിലും പ്രത്യക്ഷപ്പെടുന്നതെങ്കിലും ഇതില്‍ പ്രൊഫഷണല്‍ റൗഡി കഥാപാത്രമാണ്. ഇതിനോടകം തന്നെ ലക്ഷക്കണക്കിന് പേരാണ് ടീസര്‍ കണ്ടത്.