ഇമാന് സഹോദരി വെള്ളം കൊടുത്തു ; ആശുപത്രിയില്‍ ബഹളം

ലോകത്തെ ഏറ്റവും ഭാരമേറിയ വനിതയായ ഇമാന്‍ അഹമ്മദ്ദിന് സഹോദരി വെള്ളം നല്‍കിയതുമായി ബന്ധപ്പെട്ട് ആശുപത്രിയില്‍ ബഹളം. ആശുപത്രിയധികൃതര്‍ പോലീസിനെ വിളിച്ചു. ട്യൂബിലൂടെ മാത്രം ഭക്ഷണം നല്‍കിയിരുന്ന ഇമാന് സഹോദരി നേരിട്ട് വെള്ളം നല്‍കിയതാണ് പ്രശ്‌നങ്ങള്‍ക്ക് കാരണം.

സഹോദരിയുടെ ഈ നടപടി നേഴ്‌സ് തടഞ്ഞതിനെ തുടര്‍ന്ന് ആശുപത്രിയില്‍ ബഹളമുണ്ടാവുകയായിരുന്നു. തുടര്‍ന്ന് ആശുപത്രി അധികൃതരെ അറിയിക്കുകയും പിന്നീട് പോലീസിനെ വിളിപ്പിക്കുകയുമായിരുന്നു. ശസ്ത്രക്രിയക്ക് ശേഷം കഴിയുന്ന ഇമാന് വെള്ളം കൊടുക്കുക വഴി ശ്വാസകോശത്തില്‍ വെള്ളമെത്തുകയും തുടര്‍ന്ന് മരണം വരെ സംഭവിക്കുകയും ചെയ്യാമെന്നാണ് ചികിത്സിക്കുന്ന ഡോക്ടര്‍ അപര്‍ണ ഗോവില്‍ ഭാസ്‌കര്‍ പറഞ്ഞു. പോലീസില്‍ അറിയിച്ചെങ്കിലും രേഖാമൂലമുള്ള പരാതി നല്‍കിയില്ലെന്നും അവര്‍ പറഞ്ഞു.