മദ്യനയം മൂലം അനധികൃത മദ്യത്തിന്റെ ഒഴുക്ക് വര്‍ധിച്ചു : എക്സൈസ് മന്ത്രി

കഴിഞ്ഞ സര്‍ക്കാരിന്റെ മദ്യനിരോധനംകൊണ്ട് യാതൊരു ഗുണവും ഉണ്ടായിട്ടില്ലെന്ന് എക്സൈസ് മന്ത്രി ടി പി രാമകൃഷ്ണന്‍. മദ്യനയം കൊണ്ട് വന്ന സര്‍ക്കാറിന്റെ പക്കല്‍ മദ്യ ഉപഭോഗത്തില്‍ കുറവു വന്നതിന്റെ യാതൊരു കണക്കുകളുമില്ലെന്ന് മന്ത്രി പറയുയും. മദ്യനയം വന്നതോടെ അനധികൃത മദ്യത്തിന്റെ ഒഴുക്കു വര്‍ധിച്ചതായും അദ്ദേഹം പഞ്ഞു. നിയമസഭയില്‍ ചോദ്യോത്തര വേളയില്‍ സംസാരിക്കുകയായിരുന്നു മന്ത്രി.

മദ്യത്തിന്റെ ഉപയോഗം കുറയ്ക്കാന്‍ ലൈബ്രറി കൗണ്‍സിലുകള്‍ പോലെയുള്ള ബോധവല്‍ക്കരണവും കലാ സാസ്‌കാരിക മേഖലയെ ഉപയോഗിച്ച് സാധ്യമായ എല്ലാ പ്രചാരണങ്ങളും ഇതിന് വേണ്ടി നടന്നു വരികയാണ് ഇതില്‍ എല്ലാവരുടെയും പൂര്‍ണ്ണ പിന്തുണവേണമെന്നും അദ്ദേഹം പഞ്ഞു. മദ്യ വില്‍പ്പനയുടെ കാര്യത്തില്‍ സര്‍ക്കാര്‍ നിയമവിധേയമായിട്ടെ പ്രവര്‍ത്തിക്കൂവെന്നും മന്ത്രി പറഞ്ഞു.