പെമ്പിളൈ ഒരുമൈ പ്രതിഷേധം മൂന്നാറില്‍ കത്തുന്നു

പെമ്പിളൈ ഒരുമൈ പ്രതിഷേധം മൂന്നാറില്‍ കത്തുന്നു. പെമ്പിളൈ ഒരുമൈയ്‌ക്കെതിരായ മന്ത്രി എം എം മണിയുടെ അശ്ശീലച്ചുവയുള്ള പരാമര്‍ശത്തിനെതിരെയാണ് ശക്തമായ പ്രതിഷേധവുമായി പ്രവര്‍ത്തകര്‍ അണിനിരന്നത്. തന്നോട് ചോദിച്ച് ആരും സമരം തുടങ്ങിയിട്ടില്ല. പിന്നെ ഖേദപ്രകടനം നടത്തുന്നത് തെറ്റിദ്ധാരണ ഉണ്ടായതിനാലാണെന്നും മണി യും പ്രതികരിച്ചു. ഇതോടെ വിഷയം കൂടുതല്‍ സങ്കീര്‍ണതയിലേയ്ക്ക് നീങ്ങുകയാണ്. ഡിവൈഎസ്പി ഉള്‍പ്പെടെ ഉള്ള വന്‍ പോലീസ് സംഘം സ്ഥലത്ത് ക്യാംപ് ചെയ്യുകയാണ്.

അതേസമയം വിഷയത്തില്‍ മന്ത്രി മണി ഖേദം പ്രകടിപ്പിച്ചെങ്കിലും ഇത് സ്വീകരിക്കാന്‍ പെമ്പിളൈ ഒരുമൈ തയറായിട്ടില്ല. രാത്രി മുഴുവന്‍ സമരപ്പന്തലില്‍ തന്നെയാണ് പ്രവര്‍ത്തകര്‍ കഴിഞ്ഞത്. മൂന്നാറില്‍ എത്തി മണി മാപ്പു പറയണമെന്നും ടിവിയില്‍ മാപ്പു ചോദിക്കണ്ടാ എന്നും അല്ലാതെ ഉപരോധം അവസാനിപ്പിക്കില്ലെന്നും നേതാവ് ഗോമതി അഗസ്റ്റിന്‍ വ്യക്തമാക്കിയിട്ടുണ്ട്.