യു.എ.പി.എ ചുമത്തുന്നതില്‍ അന്വേഷണ ഉദ്യോഗസ്ഥര്‍ ജാഗ്രത പാലിച്ചില്ല ; അഞ്ചു വര്‍ഷത്തിനുള്ളില്‍ ചുമത്തിയ യു.എ.പി.എകളില്‍ 42 എണ്ണം നിലനില്‍ക്കില്ലെന്ന് ഡി.ജി.പി

സംസ്ഥാനത്ത് അഞ്ചു വര്‍ഷത്തിനുള്ളില്‍ ചുമത്തിയ യു.എ.പി.എ കേസുകളില്‍ 42 എണ്ണം നിലനില്‍ക്കില്ലെന്ന് ഡി.ജി.പി ലോക്‌നാഥ് ബെഹ്‌റ. കേസുകളില്‍ യു.എ.പി.എ ചുമത്തുന്നതില്‍ അന്വേഷണ ഉദ്യോഗസ്ഥര്‍ ജാഗ്രത പാലിച്ചില്ലെന്നും ഡി.ജി.പിയുടെ റിപ്പോര്‍ട്ട് ചൂണ്ടിക്കാട്ടുന്നു. റിപ്പോര്‍ട്ട് വെകാതെ കോടതിയില്‍ സമര്‍പ്പിക്കും.

2012 മുതല്‍ രജിസ്റ്റര്‍ ചെയ്ത് അന്വേഷണം നടക്കുന്ന 162 കേസുകളിലാണ് യു.എ.പി.എ ചുമത്തിയിരുന്നത്. ഇതില്‍ 42 എണ്ണം നിലനില്‍ക്കില്ലെന്നാണ് ഡി.ജി.പിയുടെ നേതൃത്വത്തിലുള്ള പരിശോധനാ സമിതി കണ്ടെത്തിയത്. തീവ്രവാദ കേസുകളില്‍ ചുമത്തുന്ന യു.എ.പി.എ ദുരുപയോഗം ചെയ്തിട്ടുണ്ട്. ഈ കുറ്റം ചുമത്തണമെങ്കില്‍ ഉന്നത പോലീസ് ഉദ്യോഗസ്ഥന്റെ അനുമതി വേണമെന്നും ഡി.ജി.പിയുടെ റിപ്പോര്‍ട്ടില്‍ പറയുന്നു.