വോട്ടെണ്ണല്‍ തുടങ്ങി : ആദ്യ ഫലസൂചനകളില്‍ മുസ്ലീംലീഗിന് മുന്നേറ്റം

മലപ്പുറം ഉപതെരഞ്ഞെടുപ്പുമായി ബന്ധപ്പെട്ട ആദ്യഫലസൂചനകള്‍ പുറത്തു വന്നപ്പോള്‍ മുസ്‌ളീംലീഗിന് 3000 വോട്ടിന്റെ ഭുരിപക്ഷം. ആദ്യം പോസ്റ്റല്‍ വോട്ടുകള്‍ എണ്ണിയപ്പോള്‍ പികെ കുഞ്ഞാലിക്കുട്ടിയാണ് മുന്നില്‍. എല്‍ഡിഎഫിന് മേല്‍ക്കോയ്മയുള്ള പഞ്ചായത്തുകളിലെ വോട്ടുകള്‍ എണ്ണിയപ്പോഴാണ് ഇത്.

കഴിഞ്ഞ തവണത്തേത് പോലെ തന്നെ ഇത്തവണ നോട്ടയ്ക്കും വോട്ട് കിട്ടിയിട്ടുണ്ട്. 37 വോട്ടുകള്‍ നോട്ടയ്ക്ക് ലഭിച്ചു. കുഞ്ഞാലിക്കുട്ടിക്ക് വന്‍ വിജയപ്രതീക്ഷയുള്ള മണ്ഡലത്തില്‍ ഭൂരിപക്ഷം കുറയുമോ എന്നതാണ് മൂന്ന് കക്ഷികളും നോക്കുന്നത്. രാവിലെ എട്ടു മണിയോടെയാണ് ഫലസൂചനകള്‍ പുറത്തു വന്നു തുടങ്ങിയത്. പത്തു മണിയോടെ ഫലം പുറത്തു വരുമെന്നാണ് റിപ്പോര്‍ട്ടുകള്‍. കുഞ്ഞാലിക്കുട്ടിയുടെയും എബി ഫൈസലിന്റെയും അപരന്മാരും വോട്ടു പിടിക്കുന്നു. കുഞ്ഞാലിക്കുട്ടിയുടെ അപരന് ഏഴും ഫൈസലിന്റെ അപരന്‍ 10 വോട്ടുകള്‍ പിടിച്ചു. സിപിഎമ്മിന് 3000 ല്‍ പരം വോട്ട് കിട്ടിയപ്പോള്‍ ബിജെപിയ്ക്ക് 200 വോട്ടുകളാണ് കിട്ടിയിട്ടുള്ളത്.