എഞ്ചിനിയറിഗ് വിദ്യാര്‍ഥിയുടെ ആത്മഹത്യശ്രമം: ബിഡിജെഎസ് നേതാവ് സുഭാഷ് വാസുവിനെതിരെ കേസ്

കായംകുളത്ത് സ്വകാര്യ എഞ്ചിനിയറിഗ് കോളേജില്‍ വിദ്യാര്‍ത്ഥി ആത്മഹത്യക്ക് ശ്രിമിച്ച സംഭവത്തില്‍ ബി.ഡി.ജെ.എസ് നേതാവ് സുഭാഷ് വാസുവിനെതിരെ പോലീസ് കേസെടുത്തു. പ്രിന്‍സിപ്പല്‍ ഗണേശിനെ ഒന്നാം പ്രതിയാക്കിയും കോളേജ് ചെയര്‍മാന്‍ കൂടിയായ സുഭാഷ് വാസുവിനെ രണ്ടാം പ്രതിയാക്കിയുമാണ് പോലീസ് കേസെടുത്തിരിക്കുന്നത്. ആത്മഹത്യാ പ്രേരണാ കുറ്റത്തിനും ഭീഷണിപ്പെടുത്തിയതിനുമാണ് കേസെടുത്തിരിക്കുന്നത്.

ശനിയാഴ്ച രാത്രിയിലാണ് രണ്ടാംവര്‍ഷ എന്‍ജിനീയറിഗ് വിദ്യാര്‍ഥി എഞ്ചിനിയറിംഗ് കോളജിന്റെ ഹോസ്റ്റലില്‍ കൈയിലെ ഞരമ്പ് മുറിച്ച് ആത്മഹത്യക്ക് ശ്രമിച്ചത്. സഹപാഠികള്‍ കണ്ടതിനാല്‍ ദുരന്തം ഒഴിവാകുകയായിരുന്നു. കായംകുളത്തെ സ്വകാര്യ ആശുപത്രിയിലെത്തിച്ച വിദ്യാര്‍ഥി അപകടനില തരണം ചെയ്തതായി അധികൃതര്‍ അറിയിച്ചു.