മാധ്യമങ്ങളോട് അയിത്തം കല്പിച്ച് സര്‍ക്കാര്‍ : ജീവനക്കാര്‍ ഒരു മാധ്യമത്തിലൂടെയും അഭിപ്രായപ്രകടനങ്ങള്‍ നടത്തേണ്ട…!

ജീവനക്കാര്‍ ഒരു മാധ്യമത്തിലൂടെയും അഭിപ്രായപ്രകടനങ്ങള്‍ നടത്തേണ്ട. ജീവനക്കാര്‍ക്കു സാമൂഹികമാധ്യമങ്ങളില്‍ കടുത്ത നിയന്ത്രണങ്ങളുമായി വീണ്ടും സര്‍ക്കാര്‍. ജോലിസമയത്തു സാമൂഹികമാധ്യമങ്ങളില്‍ സജീവമാകുന്നതിനായിരുന്നു ഇതുവരെ വിലക്കെങ്കില്‍ ഇനി സര്‍ക്കാര്‍ നയങ്ങളെക്കുറിച്ചു സമൂഹിക മാധ്യമങ്ങളിലോ ദൃശ്യശ്രവ്യ മാധ്യമങ്ങളിലോ അഭിപ്രായ പ്രകടനം നടത്താനും ജീവനക്കാര്‍ക്കാവില്ല.മുന്‍കൂര്‍ അനുമതിയില്ലാതെ അഭിപ്രായ പ്രകടനങ്ങള്‍ പാടില്ലെന്നു നിര്‍ദേശിക്കുന്ന സര്‍ക്കുലര്‍ ഉദ്യോഗസ്ഥ ഭരണ പരിഷ്‌കാര വകുപ്പ് പുറത്തിറക്കി. അനുമതിയില്ലാതെയുള്ള അഭിപ്രായ പ്രകടനങ്ങള്‍ ചട്ടലംഘനമായി കണക്കാക്കും.