വിമര്‍ശനങ്ങള്‍ ഉള്‍ക്കൊണ്ട് കൂടുതല്‍ ജാഗ്രതയോടെ മുന്നോട്ടു പോകുമെന്ന് പിണറായി വിജയന്‍

വിമര്‍ശനങ്ങള്‍ ഉള്‍ക്കൊണ്ട് മുന്നോട്ടു പോകുമെന്ന് മുഖ്യമന്ത്രി പിണറായി വിജയന്‍ .പൊലീസിനുണ്ടായ വീഴ്ചകളില്‍ അതതു സമയത്ത് നടപടി സ്വീകരിച്ചിട്ടുണ്ടെന്നും പിണറായി.സര്‍ക്കാര്‍ കൂടുതല്‍ ജാഗ്രതയോടെ പ്രവര്‍ത്തിക്കുമെന്നും സംസ്ഥാന സെക്രട്ടറിയേറ്റില്‍ പിണറായി വിജയന്‍ പറഞ്ഞു.വിമര്‍ശനങ്ങള്‍ക്ക് സെക്രട്ടറിയേറ്റില്‍ മറുപടി പറയുകയായിരുന്നു അദ്ദേഹം

ഭരണ തലത്തില്‍ കാര്യമാത്ര പ്രസക്തമായ മാറ്റങ്ങള്‍ ഉള്‍ക്കൊള്ളിക്കണമെന്ന് സെക്രട്ടറിയേറ്റില്‍ ആവശ്യം ഉയര്‍ന്നിരുന്നു. പിണറായി സര്‍ക്കാരിന്റെ പ്രവര്‍ത്തനങ്ങള്‍ക്കെതിരെ സിപിഎം സംസ്ഥാന സെക്രട്ടറിയേറ്റില്‍ രൂക്ഷവിമര്‍ശനമുയര്‍ന്നിരുന്നു.പല മന്ത്രിമാരും പ്രതീക്ഷക്കൊത്തുയര്‍ന്നില്ലെന്നും സെക്രട്ടറിയേറ്റ് വിമര്‍ശിച്ചു,.വിവാദങ്ങള്‍ക്കു പിന്നാലെയാണ് പലവകുപ്പുകളും.പ്രകടന പത്രികയിലെ വാഗ്ദാനങ്ങളില്‍ പലതും പരിഗണിച്ചിട്ടില്ല,തുടങ്ങീ നീണ്ട പഴികളാണ് പിണറായി സര്‍ക്കാരിനെതിരെ പാര്‍ട്ടി ഉന്നയിച്ചത്.തുടര്‍ച്ചയായ വിവാദങ്ങള്‍ സര്‍ക്കാരിന്റെ പ്രവര്‍ത്തനങ്ങളെ ബാധിക്കുന്നുണ്ടെന്നും വിമര്‍ശനമുയര്‍ന്നു.

ആഭ്യന്തരവും വിജിലന്‍സും തോന്നും പടി പ്രവര്‍ത്തിക്കുകയും വിവാദങ്ങള്‍ വലിച്ചു വെയ്ക്കുകയുമാണെന്നും ഉന്നതെ ഉദ്യോഗസ്ഥരെ നിയന്ത്രിക്കണമെന്നും യോഗം വിലയിരുത്തി.എന്നാല്‍ മന്ത്രി സഭയുടെ ആകെ പ്രവര്‍ത്തനങ്ങളില്‍ യോഗം സംതൃപ്തി രേഖപ്പെടുത്തി.