‘ഇങ്ങനെ പോയാലെങ്ങനെയാ’ കലൂര്‍ രാജ്യാന്തര സ്റ്റേഡിയം അണ്ടര്‍ -17 ലോകകപ്പിന് വേദിയാകുമോ?

അണ്ടര്‍-17 ലോകകപ്പ് ഫുട്‌ബോള്‍ കൊച്ചി രാജ്യാന്തര സ്റ്റേഡിയത്തില്‍ നടക്കുമോയെന്ന കാര്യത്തില്‍ ആശങ്ക.ജവഹര്‍ലാല്‍ നെഹ്‌റു സ്റ്റേഡിയത്തില്‍ സ്റ്റേഡിയത്തിന്റെയും പരിശീലന മൈതാനത്തിന്റെയും പുരോഗതി വിലയിരുത്തിയ ഫിഫ ടീം അതൃപ്തി പ്രകടിപ്പിച്ചു.ഫിഫ ടൂര്‍ണമെന്റ് തലവന്‍ യെയ്‌മെ യാര്‍സയാണ് പുരോഗതി വിലയിരുത്തിയത് നിര്‍മ്മാണ പ്രവര്‍ത്തനങ്ങള്‍ക്കായി മെയ് 15 വരെയാണ് ഫിഫ സമയം അനുവദിച്ചിരിക്കുന്നത്.അതിനുള്ളില്‍ നിര്‍മ്മാണ നവീകരണ പ്രവര്‍ത്തനങ്ങള്‍ പൂര്‍ത്തിയാക്കണം.കൊച്ചിയിലെ നിര്‍മ്മാണ പ്രവര്‍ത്തനങ്ങള്‍ വേഗത്തിലാക്കാന്‍ സര്‍ക്കാര്‍ തലത്തില്‍ ഇടപെടലു നടത്തണമെന്ന് ജെയ്‌മെ ആവശ്യപ്പെട്ടു.

നിര്‍മ്മാണ പ്രവര്‍ത്തനങ്ങള്‍ സമയബന്ധിതമായി പൂര്‍ത്തിയാക്കുമെന്ന് മന്ത്രി ഏ സി മൊയ്തീന്‍ ഫിഫ സംഘത്തിന് ഉറപ്പു നല്‍കിയിട്ടുണ്ട്.ഫിഫ ടൂര്‍ണമെന്റ് സംഘാടകരായ 18 അംഗസംഘമാണ് പുരോഗതി വിലയിരുത്താന്‍ കൊച്ചിയിലെത്തിയത്. ഒക്‌ടോബറില്‍ ഇന്‍ഡ്യ ആതിഥ്യം വഹിക്കുന്ന അണ്ടര്‍-17 ന് വേദിയാകുന്നതിന് താല്‍ക്കാലികമായി തെരഞ്ഞെടുത്ത വേദിയാണ് കൊച്ചി