കല്‍പറ്റ പീഡനം:പെണ്‍കുട്ടികള്‍ പ്രതികളെ തിരിച്ചറിഞ്ഞു

വയനാട്ടില്‍ യത്തീംഖാനയില്‍ പീഡനത്തിനിരയായ പ്രായപൂര്‍ത്തിയാകാത്ത പെണ്‍കുട്ടികള്‍ പ്രതികളെ തിരിച്ചറിഞ്ഞു.സുല്‍ത്താന്‍ ബത്തേരി മജിസ്‌ട്രേറ്റിന്റെ സാനിധ്യത്തില്‍ നടന്ന തിരിച്ചറിയല്‍ പരേഡിലാണ് പെണ്‍കുട്ടികള്‍ ഇവരെ തിരിച്ചറിഞ്ഞത്.

തിരിച്ചറിയല്‍ പരേഡ് പൂര്‍ത്തിയായി കഴിഞ്ഞതിനാല്‍ തുടര്‍ നടപടികളിലേക്കു നീങ്ങുമെന്ന് പൊലീസ് അറിയിച്ചു.എട്ടാം ക്ലാസിലും ഏഴാം ക്ലാസിലും പഠിക്കുന്ന ഏഴു പെണ്‍കുട്ടികളെയാണ് യത്തീംഖാനയ്ക്കു സമീപമുള്ള കടയില്‍ പീഡനത്തിനിരയാക്കിയത്.കടയുടെ സെക്യൂരിറ്റി പൊലീസില്‍ അറിയിച്ചതിനെ തുടര്‍ന്ന് നടത്തിയ അന്വേഷണത്തെ തുടര്‍ന്ന് കഴിഞ്ഞ മാര്‍ച്ച് 8 നാണ് പൊലീസ് കേസെടുത്തത്.

സംഭവുമായി ബന്ധപ്പെട്ട് 11 കേസുകളാണ് പോക്‌സോ നിയമപ്രകാരം കേസെടുത്തിരിക്കുന്നത്.വിദ്യാര്‍ത്ഥിനികളെ മെഡിക്കല്‍ പരിശോധനയ്ക്ക് വിധേയമാക്കിയതില്‍ നിന്ന് ഇവര്‍ പീഡിപ്പി

ക്കപ്പെട്ടന്ന് തെളിഞ്ഞിരുന്നു.

പ്രായപൂര്‍ത്തിയാകാത്ത പെണ്‍കുട്ടികളെ മധുര പലഹാരം കാണിച്ച് പ്രലോഭിപ്പിച്ചും അശ്ലീല വീഡിയോകള്‍ കാട്ടിയും പീഡനത്തിനിരയാക്കിയതെന്ന് ചൂണ്ടിക്കാണിച്ച് യത്തീംഖാന പൊലീസില്‍ പരാതി നല്‍കിയിരുന്നു.പരാതിയെ തുടര്‍ന്ന് യത്തീംഖാനയ്ക്കു സമീപമുള്ള കടയിലെ യുവാക്കളെ പൊലീസ് കസ്റ്റഡിയിലെടുത്തിരുന്നു.