സി ആര്‍ മഹേഷ് കോണ്‍ഗ്രസ് വിട്ടു

കോണ്‍ഗ്രസ് നേതാവ് രാഹുല്‍ ഗാന്ധിയേയും മുതിര്‍ന്ന നേതാവ് ഏകെ ആന്റണിയെയും രൂക്ഷമായി വിമര്‍ശിച്ച് ഫേസ്ബുക് പോസ്റ്റിട്ടതിനു പിന്നാലെ യൂത്ത് കോണ്‍ഗ്രസ് സംസ്ഥാന വൈസ് പ്രസിഡന്റ് സി ആര്‍ മഹേഷ് പാര്‍ട്ടി വിട്ടു.കോണ്‍ഗ്രസ് വിടുന്നെന്നും പാര്‍ട്ടിയില്‍ ചീഞ്ഞു നാറി നില്‍ക്കാന്‍ ആഗ്രഹിക്കുന്നില്ലെന്നും മഹേഷ് പറഞ്ഞു.രാഹുല്‍ ഗാന്ധി സ്ഥാനമൊഴിയണമെന്നായിരുന്നു ഫേസ്ബുക്കിലൂടെ ആവശ്യപ്പെട്ടിരുന്നു.

തല്‍ക്കാലം മറ്റു പാര്‍ട്ടികളിലേക്കില്ല.തൊഴിലെടുത്തു ജീവക്കണമെന്നാണാഗ്രഹം.രാഷ്ട്രീയത്തില്‍ നിന്ന് ഒന്നും ഉണ്ടാക്കിയിട്ടില്ല .ഒന്നും ഉണ്ടാക്കണമെന്ന് ആഗ്രഹിച്ചിട്ടില്ല.കോണ്‍ഗ്രസ് വിടുകയാണെന്ന് പ്രഖ്യാപിച്ചു കൊണ്ടു നടത്തിയ വാര്‍ത്താ സമ്മേളനത്തില്‍ മഹേഷ് പറഞ്ഞു.ഇനിയും ജനങ്ങളെ സേവിച്ചു ജീവിക്കുമെന്നും അദ്ദേഹം വ്യക്തമാക്കി.കഴിഞ്ഞ നിയമസഭാ തിരഞ്ഞെടുപ്പില്‍ ഇടതു തരംഗത്തിലും നേരിയ വോട്ടുകള്‍ക്കാണ് മഹേഷ് തോറ്റത്.

പാര്‍ട്ടി നേതൃത്വം ഏറ്റെടുക്കാന്‍ കഴിയില്ലെങ്കില്‍ രാഹുല്‍ ഗാന്ധി ഒഴിയണമെന്നായിരുന്നു മഹേഷിന്റെ പ്രസ്താവന.ഏ കെ ആന്റണി മൗനി ബാബയായി തുടരുകയാണെന്നും മഹേഷ് ആരോപിച്ചിരുന്നു.