മഞ്ജു വാരിയര്‍ അനുരാഗ് കാശ്യപ് സിനിമയിലേക്ക്?

അനുരാഗ് കാശ്യപിന്റെ സിനിമയില്‍ അഭിനയിക്കുമെന്ന സൂചന നല്‍കി മഞ്ജു വാരിയര്‍.സിനിമയില്‍ സമാന്തര വഴികള്‍ സൃഷ്ടിച്ചഅനുരാഗ് കാശ്യപിനോട് ആദരവാണെന്നും പരിചയപ്പെടണമെന്ന് ആഗ്രഹിച്ചിരുന്നെന്നും തനിക്കായി അദ്ദേഹത്തിന്റെ ചിന്തകളിലെവിടെയോ ഒരു കഥാപാത്രമൊരുങ്ങുന്നു എന്ന സൂചന തന്നെ ആവേശഭരിതയാക്കുന്നെന്നും മഞ്ജു ഫേസ് ബുക്കില്‍ കുറിച്ചു. അങ്കമാലി ഡയറീസിന്റെ സ്‌ക്രീനിങ്ങിനിടയിലാണ് മഞ്ജു വാരിയര്‍ അനുരാഗ് കാശ്യപിനെ പരിചയപ്പെടുന്നത്.അന്നവര്‍ ഒരുമിച്ചെടുത്ത ഫോട്ടോ അനുരാഗ് ഇന്‍സ്റ്റാഗ്രാമില്‍ പോസ്റ്റ് ചെയ്തിരുന്നു.മഞ്ജുവിനു വേണ്ടി തന്റെ സിനിമയില്‍ ഒരു കഥാപാത്രമുണ്ടാകുമെന്ന സൂചന നല്‍കിയാണ് അന്ന് ഇരുവരും പിരിഞ്ഞത്

മഞ്ജു തന്റെ രണ്ടാം വരവില്‍ അനുരാഗ് സിനിമയിലൂടെ ബോളിവുഡിലേക്കും കടക്കുന്നത് കാത്തിരിക്കുകയാണ് സിനിമാ ലോകം.

സിനിമയില്‍ സമാന്തരമായ വഴികള്‍ സൃഷ്ടിച്ച അനുരാഗ് കശ്യപിനോട് എന്നും ആദരവാണ്. എന്നെങ്കിലും പരിചയപ്പെടണമെന്ന് ആഗ്രഹിച്ചിരുന്നു. അങ്കമാലി ഡയറീസിന്റെ സ്‌ക്രീനിങ്ങിനിടെ കണ്ടപ്പോള്‍ പെരുമാറ്റത്തിലെ ലാളിത്യം കൊണ്ട് അദ്ദേഹം കൂടുതല്‍ അമ്പരപ്പിച്ചു. ഒരുമിച്ചെടുത്ത ചിത്രം അനുരാഗ് ഇന്‍സ്റ്റഗ്രാമില്‍ പോസ്റ്റ് ചെയ്തത് കൂടുതല്‍ ആഹ്ലാദവും അഭിമാനവും തരുന്നു. എനിക്ക് നല്‍കാനായി അദ്ദേഹത്തിന്റെ ചിന്തകളിലെവിടെയോ ഒരു കഥാപാത്രമുണ്ടെന്ന സൂചന ഇപ്പോള്‍ ഏറെ ആവേശഭരിതയാക്കുന്നു. ആ സിനിമയ്ക്കായി കാത്തിരിക്കുന്നു. അത് ഉടന്‍ സംഭവിക്കാന്‍ പ്രാര്‍ഥിക്കുന്നു...