ട്രംപ് വാര്‍ത്തകളില്‍ നിറയുകയാണ് ; 2005ൽ നികുതിയായി നൽകിയത്​ 38 മില്യൺ ഡോളർ

അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് വാര്‍ത്തകളില്‍ നിറയുകയാണ്. 2005ൽ അദ്ദേഹം നികുതിയായി നല്‍കിയ തുകയാണ് ഇപ്പോള്‍ ഏറെ ചര്‍ച്ചയാകുന്നത്. റിയല്‍ എസ്‌റ്റേറ്റ് മേഖലയിലെ വമ്പനായ ട്രംപിന്റെ വരുമാനം150 മില്യൺ ഡോളറാണ്. 2005ൽ അദ്ദേഹം നികുതിയായി നൽകിയത്​ 38 മില്യൺ ഡോളറാണ്.

പുറത്ത്​ വന്ന റിപ്പോർട്ടുകൾ പ്രകാരം ​ട്രംപും ഭാര്യ മെലാനിയയും 5.3 മില്യൺ ഡോളർ ഫെഡറൽ ആദായ നികുതിയായി നൽകിയിട്ടുണ്ട്​. 31 മില്യൺ ഡോളർ ആൾട്ടറേറ്റീവ്​ നികുതിയായും നൽകിയിട്ടുണ്ട്​. പ്രസിഡൻറ്​ തെരഞ്ഞെടുപ്പിൽ ഡെമോക്രാറ്റുകൾ ട്രംപി​ന്റെ നികുതി വിവരങ്ങൾ വെളിപ്പെടുത്തണമെന്ന്​ ആവശ്യപ്പെട്ടിരുന്നു. എന്നാൽ ട്രംപ്​ ഇത്​ നിഷേധിച്ചിരുന്നു.