ചുഴലിക്കൊടുങ്കാറ്റില്‍ തകര്‍ന്ന് മഡഗാസ്‌ക്കര്‍,വാനില കൃഷിയ്ക്കും വന്‍ നാശം

മണിക്കൂറില്‍ 250 കിലോമീറ്റര്‍ സ്പീഡില്‍ ആഞ്ഞടിച്ച ഇനാവോ ചുഴലിക്കൊടുങ്കാറ്റില്‍ തകര്‍ന്ന് ആഫ്രിക്കന്‍ ദ്വീപായ മഡഗാസ്‌ക്കര്‍.അന്‍പതോളം പേര്‍ക്ക് ജീവന്‍ നഷ്ടമായി. 180 ലധികം പേര്‍ക്ക് പരിക്കേറ്റു .176000 ത്തോളം പേരെ ഇനാവോ നേരിട്ടു ബാധിച്ചെന്നാണ് ന്യൂസ് എജന്‍സി നല്‍കുന്ന കണക്കുകള്‍.നേരത്തേ നാലു പേര് മരിച്ചെന്നും 10000 പേര്‍ക്ക് വീടുകള്‍ നഷ്ടമായെന്നുമായിരുന്നു ന്യൂസ് ഏജന്‍സി റിപ്പോര്‍ട് നല്‍കിയിരുന്നത്.53000 ത്തിലധികം പേര്‍ക്ക് വീട് നഷ്ടപ്പെട്ടതായാണ് കണക്ക്. തലസ്ഥാനമായ അന്റ്‌നാനാരിവോയില്‍ മാത്രം 32000 ലധികം വീടുകള്‍ നഷ്ടപ്പെട്ടിട്ടുണ്ട്.2012 ലുണ്ടായ ചുഴലിക്കൊടുങ്കാറ്റ് ഏഴു ലക്ഷത്തിലധികം പേരേ നേരിട്ട് ബാധിച്ചിരുന്നു.

ആഫ്രിക്കയുടെ തെക്കുകിഴക്കന്‍ മേഖലയിലാണ് ലോകത്തിലെ നാലാമത്തെ വലിയ ദ്വീപു സമൂഹമായ മഡഗാസ്‌ക്കര്‍ സ്ഥിതി ചെയ്യുന്നത്.ലോകത്തില്‍ തന്നെ രണ്ടാമത്തെ ഏറ്റവുമധികം വാനില ഉല്‍പാദന രാജ്യം കൂടിയാണ് മഡഗാസ്‌ക്കര്‍.2002 ല്‍ മഡഗാസ്‌ക്കറില്‍ ആഞ്ഞടിച്ച ചുഴലിക്കൊടുങ്കാറ്റിനെ തുടര്‍ന്ന് വാനില കൃഷി പൂര്‍ണമായും നഷ്ടമായിരുന്നു.അക്കാലത്താണ് മഡഗാസ്‌ക്കറിലേ കാലാവസ്ഥയ്ക്കനുസൃതമായ കാലാവസ്ഥയായ കേരളത്തില്‍ വാനില കൃഷി വ്യാപകമാകുന്നത്.