ഖേദം പ്രകടിപ്പിച്ചിട്ടും പിണറായിയുടെ തലയ്ക്കു വില പറഞ്ഞ നേതാവിനെ ആര്‍ എസ് എസ് പുറത്താക്കി,കുന്ദനും വധഭീഷണി

മുഖ്യമന്ത്രി പിണറായി വിജയന്റെ തലയെടുക്കുന്നവര്‍ക്ക് ഒരു കോടി രൂപ പ്രതിഫലം പ്രഖ്യാപിച്ച കുന്ദന്‍ ചന്ദ്രാവത്തിനെ ആര്‍ എസ് എസ് പുറത്താക്കി.വിവാദ പരാമര്‍ശം പിന്‍വലിച്ച് ഖേദം പ്രകടിപ്പിച്ചെങ്കിലും ആര്‍ എസ് എസിന്റെ എല്ലാ ചുമതലകളില്‍ നിന്നും ചന്ദ്രാവത്തിനെ പുറത്താക്കുന്നതായി മധ്യപ്രദേശ് ആര്‍ എസ് എസ് പ്രാന്ത സംഘചാലക് അറിയിച്ചു.

ഉജ്ജയിനിയിലെ ഒരു ചടങ്ങിലാണ് ചന്ദ്രാവത്ത് വിവാദ പരാമര്‍ശം നടത്തിയത്.സ്വത്ത് വിറ്റിട്ടാണെങ്കിലും പിണറായിയുടെ തലയെടുക്കുന്നവര്‍ക്ക് ഒരു കോടി രൂപ പ്രതിഫലം പ്രഖ്യാപിച്ചത്.ചന്ദ്രാവത്തിന്റെ ഈ പരാമര്‍ശം ആര്‍ എസ് എസ് കേന്ദ്ര നേതൃത്വത്തിനെയും വെട്ടിലാക്കിയിരുന്നു.അവരും ഈ പരാമര്‍ശത്തില്‍ നേരത്തേ ഖേദം പ്രകടിപ്പിച്ചിരുന്നു.

കേരളത്തില്‍ ആര്‍എസ്എസ് പ്രവര്‍ത്തകര്‍ കൊല്ലപ്പെടുന്നതിലെ വേദനയില്‍ വൈകാരികമായാണു താന്‍ പ്രതികരിച്ചതെന്നും വിശദീകരിച്ചിരുന്നു. വിവാദ പരാമര്‍ശത്തിന്റെ പേരില്‍ തനിക്കു കേരളത്തില്‍നിന്നു വധഭീഷണി ഫോണ്‍ സന്ദേശങ്ങള്‍ ലഭിച്ചുവെന്നും കുന്ദന്‍ വെളിപ്പെടുത്തി.