കൊട്ടിയൂര്‍ പീഡനം,പെണ്‍കുട്ടിയ്ക്ക് രൂപതയുടെ മാപ്പ്

പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച് ഗര്‍ഭിണിയാക്കിയ കേസില്‍ വൈദികന്റെ പങ്ക് തെളിഞ്ഞ സാഹചര്യത്തില്‍ ഇരയാക്കപ്പെട്ട പെണ്‍കുട്ടിയോടും അവളുടെ കുടുംബത്തോടും മാപ്പ പറഞ്ഞ് മാനന്തവാടി ബിഷപ്പ് മാര്‍ ജോസ് പൊരുന്നോടം.ഇത്തരത്തിലൊരു സംഭവത്തില്‍ വൈദികന്‍ പ്രതിയായത് ഉള്‍ക്കൊള്ളാനാകില്ലെന്ന് കൊട്ടിയൂര്‍ ഇടവകയ്ക്ക് അയച്ച കത്തില്‍ പറയുന്നു.പുതിയ വികാരിയെ നിയമിച്ചു കൊണ്ടയച്ച കത്തിലാണ് ബിഷപ്പ് മാപ്പ് ചോദിച്ചത്. ഇരയാക്കപ്പെട്ട പ്രിയപ്പെട്ട മകളെയും അവളുടെ നിഷ്‌ക്കളങ്കരായ മാതാപിതാക്കളെയും സഹോദരങ്ങളെയും ബന്ധുക്കളെയും എന്തു പറഞ്ഞ് ആശ്വസിപ്പിക്കും?പ്രിയപ്പെട്ടവരെ നിങ്ങളെ ഞാന്‍ ദൈവസമക്ഷം സമര്‍പ്പിച്ച് പ്രാര്‍ത്ഥിക്കുന്നു.

കകൊട്ടിയൂരില്‍ ഇടവക വികാരിയായിരുന്ന ഫാ.റോബിന്‍ വടക്കുംഞ്ചേരി പ്രായപൂര്‍ത്തിയാകാത്ത പതിനൊന്നാം ക്ലാസ് വിദ്യാര്‍ത്ഥിനിയെ പീഡിപ്പിച്ച് ഗര്‍ഭിണിയാക്കിയെന്നാണ് കേസ്.നീണ്ടു നോക്കി സെന്റ് സെബാസ്റ്റ്യന്‍ പള്ളി ഇടവക വികാരിയും കൊട്ടിയൂര്‍ ഐജെഎം ഹയര്‍സെക്കന്‍ഡറി സ്‌കൂള്‍ മാനേജരുമായിരുന്നു റോബിന്‍ വടക്കുംഞ്ചേരി.