ബജറ്റിന്റെ വിശദാംശങ്ങള്‍ സാമൂഹ്യമാധ്യമങ്ങളില്‍ പ്രചരിക്കുന്നതിനെ ചൊല്ലി സഭയില്‍ ബഹളം,പ്രതിപക്ഷം ഇറങ്ങിപ്പോയി,ബജറ്റ് ചോര്‍ച്ച,തോമസ് ഐസക് രാജിവെയ്ക്കണമെന്ന് ചെന്നിത്തല

ബജറ്റ് സാമൂഹ്യമാധ്യമങ്ങളില്‍ പ്രചരിച്ചതോടു കൂടി അതിന്റെ വിശുദ്ധി നഷ്ടപ്പെട്ടന്ന് പ്രതിപക്ഷം.സാമൂഹ്യമാധ്യമങ്ങളില്‍ പ്രചരിച്ച ബജറ്റുമായി പ്രതിപക്ഷനേതാവ് രമേശ് ചെന്നിത്തല എഴുനേറ്റ് നിന്ന് കാണിച്ചു സംസാരിച്ചു.ഇതിന്റെ വിശദാംശങ്ങളുമായി മുഖ്യമന്ത്രി പിണറായി വിജയന്‍ എഴുനേറ്റു നിന്ന് സംസാരിച്ചു.ധനമന്ത്രി തോമസ് ഐസക് വായിച്ച ഭാഗമാണതെന്നായിരുന്നു വിശദാംശം.

എന്നാല്‍ ധനക്കമ്മി,റവന്യൂക്കമ്മി,വരവ്,ചെലവ് കണക്കുകള്‍ ഉള്‍പ്പടെയുള്ള വായിക്കാനിരിക്കുന്ന ഭാഗങ്ങളാണ് പുറത്തു പോയെന്ന് രമേശ് ചെന്നിത്തല വീണ്ടും ആക്ഷേപം ഉന്നയിച്ചു.ബജറ്റവതരിപ്പിക്കുന്നതില്‍ തടസം സൃഷ്ടിക്കാത്ത ഞങ്ങള്‍ തന്റെ ഓഫീസില്‍ നിന്ന് സാമൂഹ്യമാധ്യമത്തില്‍ പ്രചരിച്ച ബജറ്റിന്റെ ഭാഗങ്ങളാണ് പുറത്തുവരുന്നതെന്ന് വീണ്ടും വീണ്ടും ആക്ഷേപമുന്നയിച്ചിരിക്കുന്നത്.പ്രസംഗം അവസാനിപ്പിച്ചശേഷം എന്താണ് സംഭവിച്ചതെന്നന്വേഷിച്ച് സ്പീക്കര്‍ക്ക് റിപ്പോര്‍ട് സമര്‍പ്പിക്കാമെന്നാണ് ധനമന്ത്രി പറഞ്ഞു.എന്നാല്‍ സഭയില്‍ ബഹളം തുടരുന്നതിനിടയില്‍ തോമസ് ഐസക് ബജറ്റ് പ്രസംഗം തുടര്‍ന്നു.പ്രതിപക്ഷം സഭയില്‍ നിന്നിറങ്ങി പോയി.നിയമസഭയില്‍ മീഡിയാ റൂമില്‍ രമേശ് ചെന്നിത്തല മാധ്യമങ്ങളെ കണ്ടു.ധനമന്ത്രി തോമസ് ഐസക് വായിക്കാന്‍ ബാക്കിയുള്ള ഭാഗങ്ങള്‍ ചെന്നിത്തല മാധ്യമങ്ങളെ വായിച്ചു കേള്‍പ്പിച്ചു.

ബജറ്റിന്റെ പ്രസക്ത ഭാഗങ്ങള്‍ നേരത്തേ തന്നെ മാധ്യമങ്ങള്‍ക്ക് ലഭിച്ചിരുന്നതായും പറയപ്പെടുന്നു.ഇതാണ് സാമൂഹ്യമാധ്യമങ്ങളില്‍ പ്രചരിച്ചത്.

വളരെ സമാധാന പൂര്‍വ്വം നടത്തി വന്ന ബജറ്റ് പ്രസംഗത്തിന്റെ രണ്ടേകാല്‍ മണിക്കൂര്‍ പിന്നിട്ടപ്പോളാണ് വളരെ നാടകീയമായ രീതിയില്‍ സാമൂഹ്യമാധ്യമങ്ങളില്‍ ബജറ്റ് രേഖകള്‍ പ്രചരിക്കുന്നു എന്ന് പറഞ്ഞ് പ്രതിപക്ഷം ബഹളം തുടങ്ങിയത്.ഇതിനു ശേഷം അല്പം വിമുഖതയോടെയാണ് ബജറ്റ് പ്രസംഗം ധന മന്ത്രി വായിച്ചു തീര്‍ത്തത്.അതിനു ശേഷം എന്തോ ഒരാശയക്കുഴപ്പം സഭയിലുണ്ടായി

സാധാരണയായി ബജറ്റ് പ്രസംഗം അവസാനിച്ചതിനു ശേഷം ആദ്യം മാധ്യമങ്ങളെക്കാണുന്നത് ധനമന്ത്രി തന്നെയാണ്.എന്നാല്‍ എല്ലാ കീഴ് വഴക്കങ്ങളും തെറ്റിച്ച് പ്രതിപക്ഷനേതാവാണ് മാധ്യമങ്ങളെ ആദ്യം കണ്ടത്. വരും ദിവസങ്ങളില്‍ സഭയും കേരള രാഷ്ട്രീയവും പ്രക്ഷുബ്ദമാകുമെന്നതിന്റെ സൂചനയാണ് ഇന്ന് കണ്ടത്