അര്‍ എസ് എസ് കൊലവിളിയെ പുച്ഛിച്ചു തള്ളി പിണറായി വിജയന്‍

ആര്‍ എസ് എസ് നേതാവ് നടത്തിയ കൊലവിളിയെ പുച്ഛിച്ചു തളളി പിണറായി വിജയന്റെ ഫേസ് ബുക് പോസ്റ്റ്.' മധ്യപ്രദേശിലെ ഒരു സംഘ പരിവാര്‍ നേതാവ് പ്രസംഗിച്ചതില്‍, പിണറായി വിജയന്റെ തല കൊയ്യുന്നതിന് ഇനാം പ്രഖ്യാപിച്ചു എന്ന വാര്‍ത്ത കണ്ടു. ആര്‍എസ്എസ് പലരുടെയും തല എടുത്തിട്ടുണ്ട്; അതു കൊണ്ട് വഴി നടക്കാതിരിക്കാന്‍ ആവില്ലല്ലോ. കൊലവിളിയെ പുച്ഛിച്ച് തള്ളുന്നു',. അദ്ദേഹം ഫേസ്ബുക്കില്‍ കുറിച്ചു

പിണറായി വിജയന്റെ തലകൊയ്താല്‍ ഒരു കോടി പ്രതിഫലം നല്‍കാമെന്ന് ആര്‍ എസ് എസ് നേതാവ് ചന്ദ്രാവത്ത് ഭീഷണി മുഴക്കിയിരുന്നു.അതിനു വേണ്ടി താന്‍ സ്വത്തു പോലും വില്‍ക്കാന്‍ തയ്യാറാണെന്നം ചന്ദ്രാവത്ത് പറഞ്ഞു ആര്‍ എസ് എസിന്റെ ഈ ഭീഷണിക്കെതിരെ പ്രതിപക്ഷ നേതാവ് രമേശ് ചെന്നിത്തലയും രംഗത്തു വന്നു.ഇത്തരത്തില്‍ ഭീഷണി മുഴക്കിയ നേതാവിനെ പിടിച്ചകത്തിടാന്‍ മധ്യപ്രദേശ് മുഖ്യമന്ത്രി ശിവ് രാജ് സിങ് ചൗഹാന്‍ തയ്യാറാവണമെന്നും രമേശ് ആവശ്യപ്പെട്ടു.

സംഘപരിവാറിന്റെ കൊലവിളി ഉയര്‍ത്തുന്ന തരത്തിലുള്ള സംഭാഷണങ്ങള്‍ അവസാനിപ്പിച്ചേ മതിയാകൂ എന്ന് ചെന്നിത്തല ഫേസ് ബുക്കില്‍ കുറിച്ചു.

കേരള മുഖ്യമന്ത്രി പിണറായി വിജയന്റെ തലയെടുക്കുന്നവര്‍ക്ക് ഒരു കോടി രൂപ പ്രതിഫലം നല്‍കുമെന്ന് പ്രസംഗിച്ച ആര്‍എസ്എസ് നേതാവ് ചന്ദ്രാവതിനെ അറസ്‌റ് ചെയ്തു ജയിലില്‍ അടക്കണം. മധ്യപ്രദേശ് മുഖ്യമന്ത്രി ശിവരാജ് സിങ് ചൗഹാന്‍ ഉടന്‍ ഇതിനു തയാറാകണം. ആര്‍.എസ്.എസ് ഫാസിസ്റ്റുകളുടെ കൊലവിളി അങ്ങേയറ്റം അപലപനീയമാണ്. അക്രമങ്ങള്‍ അഴിച്ചു വിടുകയും , ആയുധങ്ങളുടെ ഭാഷയില്‍ സംസാരിക്കുകയും ചെയ്യുന്ന സംഘപരിവാര്‍ രീതി അവസാനിപ്പിച്ചേ തീരൂ. സ്ഥലം എംപിയുടെയും എം എല്‍ എ യുടെയും സാന്നിധ്യത്തില്‍ നടത്തിയ കൊലവിളിയെ കണ്ടില്ലെന്ന് നടിക്കാനാകില്ല.