പിണറായി വിജയന്റെ തലയ്ക്ക് ഒരുകോടി രൂപ പ്രതിഫലം പ്രഖ്യാപിച്ച് ആര്‍ എസ് എസ് നേതാവ്

കേരളത്തിന്റെ മുഖ്യമന്ത്രിയും സി പി എം നേതാവുമായ പിണറായി വിജയന്റെ തലയെടുക്കുന്നവര്‍ക്ക് ഒരു കോടി രൂപ പ്രതിഫലം പ്രഖ്യാപിച്ച് മധ്യപ്രദേശിലെ ആര്‍ എസ് എസ് നേതാവ് ഡോ.ചന്ദ്രാവത്ത്.ഉജ്ജയിനിലെ ആര്‍ എസ് എസ് പ്രമുഖായ ചന്ദ്രാവത്ത് പിണറായിയുടെ തലയെടുക്കുന്നവര്‍ക്കാണ് തന്റെ വസ്തുവകകള്‍ വിറ്റിട്ടാണെങ്കിലും പ്രതിഫലം പ്രഖ്യാപിച്ചിരിക്കുന്നത്.മധ്യപ്രദേശില്‍ നിന്നുള്ള എംപി ചിന്താമണി മാളവ്യയും എംഎല്‍എ മോഹന്‍യാദവും മൊക്കെ പങ്കെടുക്കുന്ന ഒരു ചടങ്ങിലാണ് ചന്ദ്രാവത്ത് കേരള മുഖ്യമന്ത്രിക്കെതിരെ ഗുരുതരമായ പ്രസ്താവന നടത്തിയിരിക്കുന്നത്

കഴിഞ്ഞ ദിവസം മുഖ്യമന്ത്രി മംഗലാപുരത്ത് നടത്തിയ പ്രസംഗത്തില്‍ ആര്‍ എസ് എസിനെതിരെയും സംഘപരിവാര്‍ സംഘടനകള്‍ക്കെതിരെയും ആഞ്ഞടിച്ചിരുന്നു.കൂടാതെ കേരളത്തില്‍ ആര്‍എസ്എസ് പ്രവര്‍ത്തകരെ കൊലപ്പെടുത്തുന്നതിന്റെ പ്രത്യാഖ്യാതമെന്നോണമാണ് ഇന്ന് ചന്ദ്രാവത്തിന്റെ പിണറായിയുടെ തലയെടുക്കാനുള്ള ആഹ്വാനം.മംഗലാപുരത്തും കാലുകുത്താനനുവദിക്കില്ലെന്ന മുന്നറിയിപ്പും അദ്ദേഹം പാര്‍ട്ടി സംഘടിപ്പിച്ച പരിപാടിയില്‍ പങ്കെടുക്കുന്നതിനെതിരെ മംഗലാപുരത്ത് ആര്‍എസ്എസ് ഹര്‍ത്താലും സംഘടിപ്പിച്ചിരുന്നു.

സി പി എം -ആര്‍ എസ് എസ് വിരോധം കേരളത്തില്‍ നിന്നു ദേശീയ തലത്തിലേക്ക് കടക്കുന്നു എന്നതിന്റെ സൂചനയാണ് ആര്‍ എസ് എസ് നേതാവിന്റെ ഇന്നത്തെ പ്രസംഗം