പുതിയ മദ്യനയം വരും,വിനോദസഞ്ചാര കേന്ദ്രങ്ങളില്‍ ഫോര്‍സ്റ്റാര്‍ മദ്യകാലകള്‍ക്ക് അനുമതി നല്‍കിയേക്കും

വിനോദ സഞ്ചാര മേഖലകളില്‍ വീണ്ടും ഫോര്‍ സ്റ്റാര്‍ മദ്യശാലകള്‍ തുറന്നേക്കും.35 ഫോര്‍ സ്റ്റാര്‍ മദ്യശാലകള്‍ക്കായിരിക്കും തുറക്കാനനുമതി നല്‍കുന്നത്.ഇതു സംബന്ധിച്ചുള്ള ചര്‍ച്ചകള്‍ സിപിഎം സംസ്ഥാന സെക്രട്ടറിയേറ്റ് യോഗത്തില്‍ നടന്നതായാണ് സൂചന.ബാറുകളുടെ പ്രവര്‍ത്തന സമയം കൂടി കൂട്ടി പുതിയ മദ്യനയം പ്രഖ്യാപിച്ചേക്കും.ഈ വിഷയത്തില്‍ അന്തിമാനുമതി എല്‍ ഡി എഫ് യോഗമാണ് നല്‍കേണ്ടത് മദ്യസല്‍ക്കാരത്തിനുള്ള ലൈസന്‍സ് ഫീസ് കുറയ്ക്കുക,വിദേകികള്‍ക്ക് മദ്യത്തിനായി കാര്‍ഡ് ഉപയോഗംഏര്‍പ്പെടുത്തുക തുടങ്ങിയവയും പുതിയ മദ്യ നയത്തില്‍ ഉള്‍പ്പെടുത്തിയേക്കും.കള്ളുഷാപ്പുകളെ പ്രോല്‍സാഹിപ്പിക്കുന്നതിനുള്ള നയം തീരുമാനമായതായാണ് വിവരം.

പുതിയ മദ്യനയം രൂപീകരിക്കുമെന്ന് തെരഞ്ഞെടുപ്പ് പ്രകടന പത്രികയില്‍ ഇടതുപക്ഷം പറഞ്ഞിരുന്നു.അതുകൊണ്ടു തന്നെ സിപിഎമ്മിന്റെ നയത്തേ മറ്റു കക്ഷികള്‍ എതിര്‍ക്കാനിടയില്ല.മദ്യശാലകള്‍ പൂട്ടിയതിലൂടെ വിനോദസഞ്ചാര മേഖലയ്ക്ക് കനത്ത ഇടിവുണ്ടായതായി നേരത്തേ സി പി എം സെക്രട്ടറിയേറ്റ് യോഗത്തില്‍ ചര്‍ച്ച ചെയ്തിരുന്നു.മദ്യശാലകള്‍ പൂട്ടിയത് അനധഇകൃ മദ്യവില്പനയും കഞ്ചാവും മയക്കുമരുന്നും വ്യാപിക്കുന്നിതിനിടയാക്കിയെന്നും യോഗം വിലയിരുത്തിയിരുന്നു.അതിന്റെ ഭാഗമായാണ് പുതിയനയം ഉടന്‍ കൊണ്ടുവരാന്‍ തീരുമാനമായിരിക്കുന്നത് ഏപ്രില്‍ ഒന്നിനു മുന്‍പ് പുതിയ നയം പ്രഖ്യാപിക്കുമെന്നാണ് സൂചന.ഓരോ വര്‍ഷവും 10% ചെറുകിട മദ്യശാലകള്‍ പൂട്ടാനുള്ള തീരുമാനവും റദ്ദു ചെയ്‌തേക്കും