മികച്ച നഗരസഭ തിരുവനന്തപുരം,ജനങ്ങള്‍ക്ക് ഉയര്‍ന്ന ജീവിതസാഹചര്യം നല്‍കുന്നതിലും മുന്നില്‍

മികച്ച നഗരസഭയെന്ന ഒന്നാം സ്ഥാനം നിലനിര്‍ത്തി തിരുവന്തപുരം നഗരസഭ.പൂനെ,കൊല്‍ക്കത്ത എന്നീ നഗരസഭകള്‍ രണ്ടും മൂന്നും സ്ഥാനങ്ങള്‍ പങ്കിട്ടു.കഴിഞ്ഞ വര്‍ഷം ഏഴാം സ്ഥാനത്തായിരുന്ന ഡല്‍ഹി ഒന്‍പതാം സ്ഥാനത്തേക്ക് പിന്തള്ളപ്പെട്ടു.ബാംഗ്ലൂര്‍ ആസ്ഥാനമായ ജനഗ്രഹ സെന്റര്‍ ഫോര്‍ സിറ്റിസണ്‍ഷിപ്പ് ആന്‍ഡ് ഡെമോക്രസി(എ എസ് ഐ സി എസ്)നടത്തിയ സര്‍വ്വെയിലാണ് ഈ കണ്ടെത്തല്‍

ജനങ്ങള്‍ക്ക് മികച്ച ജീവിത നിലവാരം ഒരുക്കുന്ന കാര്യത്തില്‍ മുന്നില്‍ നില്‍ക്കുന്ന നഗരമാണ് തിരുവനന്തപുരം.ഇതാണ് തലസ്ഥാന നഗരിയെ ഒന്നാമതെത്തിച്ചത്.താരതമ്യേന വലിയ നഗരമായ ഡല്‍ഹി കഴിഞ്ഞ തവണത്തേക്കാള്‍ മോശം പെര്‍ഫോമന്‍സാണ് ഇത്തവണ കാഴ്ച വെച്ചത്.ആസുത്രിത നഗരങ്ങളായ ചണ്ഡീഗഡ്,ജെയ്പൂര്‍,ലുധീയാന എന്നീ നഗരങ്ങള്‍ അവസാന സ്ഥാനങ്ങളിലാണ്. ഇരുപത്തിയൊന്നു നഗരങ്ങള്‍ അവരുടെ ചെലവിന്റെ 37 ശതമാനം മാത്രമാണ് സ്വയം കണ്ടെത്തുന്നത്.എന്നാല്‍ മുംബൈ,ഡല്‍ഹി,ഹൈദ്രാബാദ്,പൂനൈ തുടങ്ങിയവര്‍ അവരുടെ ചെലവിന്റെ അന്‍പതു ശതമാനവും കണ്ടെത്തുന്നുണ്ട്.