സെന്‍കുമാറിന് സര്‍ക്കാര്‍ വിരോധം,നിയമസഭയില്‍ സെന്‍കുമാറിനെതിരെ പിണറായി

യു ഡി എഫ് വിട്ട് വേറേ പാളയത്തിലെത്തിയ സെന്‍കുമാര്‍ രാഷ്ട്രീയം കളിക്കുകയാണെന്ന് പിണറായി വിജയന്‍ നിയമസഭയില്‍ പറഞ്ഞു.സെന്‍കുമാര്‍ സര്‍ക്കാരിനെ അപകീര്‍ത്തിപ്പെടുത്താന്‍ ശ്രമിക്കുകയാണ്.സെന്‍കുമാര്‍ തെറ്റിദ്ധാരണ പ്രചരിപ്പിക്കുകയാണ് എന്നാല്‍ അദ്ദേഹം യു ഡി എഫിനു വേണ്ടിയല്ല പുതിയ കളി കളിക്കുന്നതെന്നും മുഖ്യമന്ത്രി നിയമസഭയില്‍ ആരോപിച്ചു.

എന്നാല്‍ പല കേസുകളിലും നിക്ഷപക്ഷമായ നിലപാടാണ് സെന്‍കുമാര്‍ നടത്തിയതെന്ന് പ്രതിപക്ഷ നേതാവ് രമേശ് ചെന്നിത്തല പറഞ്ഞു.അദ്ദേഹത്തിനെതിരായ സഭയിലെ പരാമര്‍ശം മുഖ്യമന്ത്രി ഒഴിവാക്കേണ്ടതായിരുന്നു,ബിജെപിയിലേക്ക് മുഖ്യമന്ത്രി ആളേക്കൂട്ടെണ്ടെന്നും അദ്ദേഹം പറഞ്ഞു

. കതിരൂര്‍ മനോജ് വധക്കേസ്,ഷുക്കൂര്‍വധക്കേസ്,ടി പി വധക്കേസ് എന്നിവയുടെ സത്യസന്ധമായ അന്വേഷണത്തിന്റെ പരിണിത ഫലമാണ് തന്നെ പൊലീസ് മേധാവി സ്ഥാനത്തു നിന്ന് മാറ്റിയതെന്ന് കഴിഞ്ഞ ദിവസം സെന്‍കുമാര്‍ സര്‍ക്കാരിനെതിരെ ആരോപണം ഉന്നയിച്ചിരുന്നു.ഈ പരാമര്‍ശത്തെ തുടര്‍ന്നാണ് മുഖ്യമന്ത്രി ഇന്ന് സഭയില്‍ ആഞ്ഞടിച്ചത്.