39 പാക് തടവുകാരേ ഇന്‍ഡ്യ മോചിപ്പിക്കുന്നു

അതിര്‍ത്തിയില്‍ സമാധാനം കൊണ്ടുവരാനുള്ള ശ്രമങ്ങളുടെ ഭാഗമായി ഇന്‍ഡ്യ 39 പാക്കിസ്ഥാന്‍ തടവുകാരേ മോചിപ്പിക്കുന്നു.ശിക്ഷാ കാലാവധി പൂര്‍ത്തിയാക്കിയ21 പേരേയും മല്‍സ്യബന്ധന തൊഴിലാളികളായ 18 പേരേയുമാണ് ഇന്‍ഡ്യ മോചിപ്പിക്കുന്നത്.

കഴിഞ്ഞ കുറച്ചുകാലമായി അതിര്‍ത്തിയിലും നയതന്ത്ര ബന്ധത്തിലും ഇന്‍ഡ്യയും പാക്കിസ്ഥാനും ഇടഞ്ഞു നില്‍ക്കുകയായിരുന്നു.എന്നാല്‍ സമാധാനാന്തരീക്ഷം തിരിച്ചുകൊണ്ടു വരാന്‍ ഇന്‍ഡ്യ തന്നെ ആദ്യം മുന്‍കൈ എടുക്കന്നതിന്റെ ഭാഗമായാണ് തടവുകാരേ മോചിപ്പിക്കുന്നത്.

മാര്‍ച്ച് 1ന് മോചിപ്പിക്കുമെന്നാണ് വിവരം.ഇന്‍ഡ്യന്‍ സൈനികനായ ബാബുലാല്‍ ചവാനേ പാക്കിസ്ഥാന്‍ മോചിപ്പിച്ചതിന്റെ തൊട്ടുപിന്നാലെയാണ് ഇന്‍ഡ്യയുടെ പ്രഖ്യാപനം.ഭീകരന്‍ ഫഹീദ് സയിദിനെ വീട്ടു തടങ്കലില്‍ വെയ്ക്കാനുള്ള പാക്കിസ്ഥാന്റെ തീരുമാനത്തെ ഇന്‍ഡ്യ നേരത്തേ അനുകൂലിച്ചിരുന്നു.ഇരു രാജ്യങ്ങളും തമ്മിലുള്ള സമാധാനം പുലരുന്നതിന്റെ ഉചിതമായ സമയമെന്നാണ് ഇതേക്കുറിച്ച് ഇന്‍ഡ്യ പ്രതികരിച്ചത്. പുതിയ തീരുമാനം ഇരു രാജ്യങ്ങളുടെയും നയതന്ത്ര ബന്ധത്തില്‍ കാര്യമായ പുരോഗതി ഉണ്ടാക്കുമെന്നാണ് വിദഗ്ധരുടെ വിലയിരുത്തല്‍.ഭീകരപ്രവര്‍ത്തനം അമര്‍ച്ച ചെയ്യുന്നതില്‍ പാക്കിസ്ഥാന്‍ സ്വീകരിക്കുന്ന നിലപാടിനനുസരിച്ചായിരിക്കും മുന്നോട്ടുള്ള ചര്‍ച്ചയെന്ന് ഇന്‍ഡ്യ വിശദമാക്കിയിട്ടുണ്ട്.