പ്രായപൂര്‍ത്തിയാകാത്ത പെണ്‍കുട്ടിയെ വൈദികന്‍ പീഡിപ്പിച്ചതായി ചൈല്‍ഡ് ലൈന് പരാതി,വൈദികന്‍ അറസ്റ്റില്‍

പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ചു ഗര്‍ഭിണിയാക്കിയ വൈദികനെതിരെ ചൈല്‍ഡ് ലൈന് പരാതി ലഭിച്ചു.കണ്ണൂരില്‍ നീണ്ടുനോക്കിയിലാണ് സംഭവം.പീഡനത്തിനിരയായെന്ന് പറയപ്പെടുന്ന പെണ്‍കുട്ടി രണ്ടു മാസം മുന്‍പ് ഒരു കുഞ്ഞിന് ജന്‍മം നല്‍കിയിരുന്നു.

പള്ളിവികാരിയായ റോബിന്‍ വടക്കുംചേരിയാണ് സംഭവത്തിലെ പ്രതി.ഇയാള്‍ ആദ്യം ഒളിവില്‍ പോയെങ്കിലും പിന്നീട് പൊലീസ് ഇയാളെ കസ്റ്റഡിയിലെടുത്തു.

കുറച്ചു ദിവസങ്ങള്‍ക്കു മുന്‍പ് ചൈല്‍ഡ് ലൈന് ലഭിച്ച അജ്ഞാത കോളില്‍ നിന്നാണ് സംഭവം പുറത്തറിയുന്നത്.തുടര്‍ന്ന് നടത്തിയ അന്വേഷണത്തില്‍ പീഡന വിവരത്തെ കുറിച്ച് പെണ്‍കുട്ടി വെളിപ്പെടുത്തി.ആദ്യം സ്വന്തം അച്ഛനാണ് പീഡിപ്പിച്ചതെന്ന് പറഞ്ഞ പെണ്‍കുട്ടി കൂടുതല്‍ ചോദ്യം ചെയ്യലിലാണ് വൈദികന്റെ പേര് പറഞ്ഞത്.പീഡന വിവരം പുറത്തറിഞ്ഞതിനെ തുടര്‍ന്ന് റോബിന്‍ വടക്കുംഞ്ചേരി ഒളിവില്‍ പോയെങ്കിലും പിന്നീട് കസ്റ്റഡിയിലെടുത്തു.