സാമ്പത്തിക തട്ടിപ്പ് കേസില്‍ പെലെയുടെ മകന് 13 വര്‍ഷത്തെ തടവ്

ഫുട്‌ബോള്‍ ഇതിഹാസം പെലെയുടെ മകനെ കണക്കില്‍ പെടാത്ത പണം കൈവശം വെച്ച കേസില്‍ ബ്രസീല്‍ കോടതി തടവുശിക്ഷക്ക് വിധിച്ചു. പ്രൊഫഷ്ണല്‍ ഗോള്‍കീപ്പറായ എഡീനോയെ ഇതിന് മൂമ്പും പോലീസ് അറസ്റ്റ് ചെയ്തിട്ടുണ്ട്.

2005 ലാണ് മയക്കുമരുന്ന് കേസില്‍ ഇദ്ദേഹത്തെ ആദ്യമായി പോലീസ് അറസ്റ്റ് ചെയ്യുന്നത്. 2014ല്‍ 33 വര്‍ഷം തടവിന് വിധിച്ച എഡിനോയുടെ ശിക്ഷാ കാലയളവ് പിന്നീട് 12 വര്‍ഷവും 10 മാസവുമായി ചുരുക്കുകയായിരുന്നു.

എന്നാല്‍ തനിക്കുമേല്‍ ആരോപിക്കപ്പെട്ട കുറ്റങ്ങളെല്ലാം എഡീനോ നിഷേധിക്കുകയായിരുന്നു. സാന്റോസിലെ പോലീസ് സ്‌റ്റേഷനില്‍ കീഴടങ്ങിയ എഡീനോയെ പിന്നീട് ജയിലിലേക്ക് മാറ്റുകയായിരുന്നു. തനിയ്‌ക്കെതിരെ ഒരു തെളിവുപോലും ഇല്ലാതെയാണ് ഇത്തരത്തില്‍ ഒരു നടപടിയെന്നും എഡീനോ പറഞ്ഞു.

മയക്കുമരുന്നുകള്‍ ഉപയോഗിച്ചിട്ടുണ്ടെങ്കിലും ഒരിക്കല്‍ പോലും താന്‍ നിയമവിരുദ്ധ സാമ്പത്തിക ഇടപാടുകള്‍ നടത്തിയിട്ടിന്നൊയിരുന്നു അദ്ദേഹം പറഞ്ഞു. എന്നാല്‍ കഴിഞ്ഞ കുറച്ച് വര്‍ഷങ്ങളായി താന്‍ മയക്കുമരുന്നും ഉപയോഗിക്കാറില്ലെന്നും അദ്ദേഹം കൂട്ടിച്ചേര്‍ത്തു.