വാർത്ത സമ്മേളനം റിപ്പോർട്ട്​ ചെയ്യുന്നതിൽ നിന്ന്​ യു എസിലെ പ്രമുഖ മാധ്യമങ്ങൾക്ക് വിലക്ക്

വാർത്ത സമ്മേളനം റിപ്പോർട്ട്​ ചെയ്യുന്നതിൽ നിന്ന്​ യു എസിലെ പ്രമുഖ മാധ്യമങ്ങൾക്ക് വിലക്ക്​. വൈറ്റ്​ ഹൗസിനെ വിമർശിക്കുന്ന ന്യുയോർക്​ ടൈംസ്, സി.എൻ.എൻ, ദ ലോസ്​ ആഞ്ചലസ്, പൊളിറ്റികോ, ​ബസ്​ ഫീഡ്, ടൈംസ്​ എന്നീ മാധ്യമങ്ങളെയാണ് വൈറ്റ് ​ഹൗസ് ​പ്രസ്​ സെക്രട്ടറി സീൻ സ്​പൈസറിന്റെ വാർത്ത സമ്മേളനം റിപ്പോർട്ട്​ ചെയ്യുന്നതിൽ നിന്ന്​ വിലക്കിയത്. വിലക്കേര്‍പ്പെടുത്തിയ വൈറ്റ്​ ഹൗസി​ന്റെ ഈ നടപടി ഇതിനകം തന്നെ വന്‍ വിവാദമായിരിക്കുകയാണ്. സംഭവത്തിൽ പ്രതിഷേധിച്ച്​ ടൈം മാഗസിൻ, അസോസിയേറ്റഡ്​ പ്രസ് എന്നീ മാധ്യമങ്ങൾ വാർത്ത സമ്മേളനം ബഹിഷ്​കരിച്ചു. വാർത്തകള്‍ റിപ്പോർട്ട്​ ചെയ്യുന്നതിന്​ എല്ലാ ദിവസവും ക്യാമറ ആവശ്യമില്ലെന്ന്​ തന്റെ ഉദ്യോഗസ്​ഥർ തീരുമാനിച്ചതായി സ്​പൈസർ നേരത്തെ അറിയിച്ചിരുന്നു. അമേരിക്കൻ പ്രസിഡൻറായി അധികാരമേറ്റത്​ മുതൽ ​ട്രംപ്​ മാധ്യമങ്ങൾക്കെതിരെ രൂക്ഷ വിമർശനമാണ്​ നടത്തുന്നത്​. എൻ.ബി.സി ന്യൂസ്​, ന്യൂയോർക്ക്​ ടൈംസ്, സി.എൻ.എൻ, എ.ബി.സി, സി.ബി.സി എന്നീ മാധ്യമങ്ങൾ ത​ന്റെ ശത്രുക്കളല്ല, എന്നാൽ അവർ അമേരിക്കൻ ജനതയുടെ ശത്രുക്കളാണെന്ന് ട്രംപ്​ ട്വിറ്ററിൽ കുറിച്ചിരുന്നു. തെരഞ്ഞെടുപ്പ്​ കാലത്ത്​ അപ്രിയ ചോദ്യങ്ങൾ ചോദിച്ച മാധ്യമ പ്രവർത്തകനെ ട്രംപ്​ ഇറക്കി വിട്ടതും വന്‍ വിവാദമയിരുന്നു​.