നടിയെ അപകീര്‍ത്തിപ്പെടുത്തിയ സംഭവത്തില്‍ സഹായമഭ്യര്‍ത്ഥിച്ച് വീട്ടിലെത്തിയ സംഭവത്തില്‍ ആദ്യമായി പ്രതികരിച്ച് നടനും സംവിധായകനുമായ ലാല്‍

സംഭവം ക്വട്ടേഷനാണെന്നും ഒരു നടിയാണ് ഇതിന്റെ പിന്നിലെന്നും ആക്രമിച്ചവര്‍ പറഞ്ഞതായി ആക്രമിക്കപ്പെട്ട നടി സഹായം തേടി തന്റെ വീട്ടിലെത്തിയെത്തിയ ശേഷം പറഞ്ഞതായി നടനും സംവിധായകനുമായ ലാല്‍ മാധ്യമങ്ങളോട് പറഞ്ഞു.തന്റെ സിനിമയുടെ ഷൂട്ടിംഗ് സെറ്റിലായിരുന്ന നടി എറണാകുളത്തുള്ള മറ്റൊരു നടിയായ രമ്യാ നമ്പീശന്റെ വീട്ടില്‍ പോകാന്‍ വണ്ടി ഏര്‍പ്പാടു ചെയ്തു തരുമോയെന്ന് പ്രൊഡക്ഷന്‍ കണ്‍ട്രോളറോട് ചോദിച്ചതിന്റെ പശ്ചാത്തലത്തിലാണ് അവര്‍ക്ക് വണ്ടി വിട്ടു നല്‍കിയത്.എറണാകുളത്ത് എത്തിയോയെന്ന് യാത്രാമധ്യേ അവരോട് ചോദിച്ചിരുന്നെന്നും എന്നാല്‍ അവര്‍ രമ്യയുടെ വീട്ടിലെത്തി എന്നു കരുതിയാണ് പിന്നീട് അന്വേഷിക്കാതിരുന്നത്.പിന്നീട് ആക്രമത്തില്‍ പെട്ട് നടി തന്റെ വീട്ടിലെത്തി സഹായം ചോദിച്ചപ്പോള്‍ അവരെ അവിടെ എത്തിച്ച വാഹനത്തിന്റെ ഡ്രൈവര്‍ മാര്‍ട്ടിന്‍ അവിടെ നിന്ന് രക്ഷപെടാന്‍ ശ്രമിച്ചതാണ്.താനും ആക്രമിക്കപ്പെട്ടന്നും തനിക്ക് ചികില്‍സ ആവശ്യമാണെന്നും പറഞ്ഞ് അവിടെ നിന്ന് പോകാന്‍ ശ്രമിച്ചപ്പോള്‍ താനാണ് അവനെ തടഞ്ഞു നിര്‍ത്തിയതെന്നും പറഞ്ഞു.പിന്നീട് ഡിജിപി ലോക്‌നാഥ് ബെഹ്‌റയെ വിളിച്ച് പരാതി അറിയിച്ചു.ഈ സമയം അവിടെ സഹായത്തിനായി എത്തിയ നിര്‍മ്മാതാവ് ആന്റോ ജോസഫിനെയും പിന്നീട് നടന്‍ ദിലീപിനെയും ഇക്കാര്യത്തില്‍ വലിച്ചിഴച്ചത് കഷ്ടമാണെന്നും ലാല്‍ പറഞ്ഞു.ദിലീപ് ഇതില്‍ അത്യധികം ദുഖിതനാണെന്നും അദ്ദേഹം കൂട്ടിച്ചേര്‍ത്തു.

ഈ സംഭവത്തിന്റെ പശ്ചാത്തലത്തില്‍ സിനിമയിലേക്ക് കഞ്ചാവിനേയും മയക്കുമരുന്നിനെയും വലിച്ചിട്ടതും കഷ്ടമാണെന്ന് ലാല്‍ പറഞ്ഞു.കഞ്ചാവടിച്ച് സിനിമ എടുക്കാന്‍ കഴിയില്ല.ഏതു സിനിമാ സെറ്റിലണ് കള്ളും കഞ്ചാവും ഒഴുകുന്നതെന്നും പറയണമെന്ന് വ്യാജ വാര്‍ത്തകള്‍ പ്രചരിപ്പിക്കുന്നവരോട് ലാല്‍ പറഞ്ഞു.ഇത്തരത്തില്‍ സിനിമ എടുത്താല്‍ വിജയിക്കില്ലെന്നും ലാല്‍ കൂട്ടിച്ചേര്‍ത്തു.

ലാലിന്റെ വാക്കുകളുടെ പ്രസക്തഭാഗങ്ങള്‍

*ഏതു സെറ്റിലാണ് കഞ്ചാവും മയക്കുമരുന്നും ഉപയോഗിക്കുന്നതെന്ന് വ്യക്തമാക്കണം.കഞ്ചാവടിച്ച് സിനിമയുണ്ടാക്കിയാല്‍ വിജയിക്കില്ല. *ന്യൂ ജനറേഷന്‍ സിനിമയെന്നു പുച്ഛിക്കുന്നവര്‍ അത്തരം സിനിമകള്‍ വിജയിക്കുന്നതു കാണുമ്പോളുണ്ടാകുന്ന നിരാശ കൊണ്ടു നടത്തുന്ന ജല്പനങ്ങളാണ് *പുറത്തു നിന്നു വിളിച്ച വാഹനത്തിന്റെ ഡ്രൈവറാണ് സുനി.അയാള്‍ സെറ്റില്‍ വളരെ അച്ചടക്കത്തോടെ പെരുമാറുകയും മറ്റുള്ളവരുടെ ഇഷ്ടം പിടിച്ചു പറ്റുകയും ചെയ്തിരുന്നു.കൃത്യമായി ജോലി ചെയ്യുന്ന ആളുമാണ് സുനി.