വിജിലന്‍സിന് ഹൈക്കോടതിയുടെ വിമര്‍ശനം,അഴിമതി മാത്രം അന്വേഷിച്ചാല്‍ മതി

വിജിലന്‍സ് അഴിമതി മാത്രമന്വേഷിച്ചാല്‍ മതിയെന്നും അധികാര പരിധി വിടരുതെന്നുമുള്ള കര്‍ശന നിര്‍ദ്ദേശം നല്‍കി ഹൈക്കോടതി.ബന്ധുനിയമന കേസ് പരിഗണിക്കവേ ജസ്റ്റിസ് പി ഉബൈദാണ് വിജിലന്‍സിനു നേരേ രൂക്ഷ വിമര്‍ശനം ഉന്നയിച്ചത്.ബന്ധു നിയമനം മാത്രം അന്വേഷിച്ചാല്‍ മതിയെന്നും സര്‍വ്വീസ്,സ്ഥാനക്കയറ്റം തുടങ്ങിയവ അന്വേഷിക്കേണ്ടതില്ലെന്നും കോടതി വിജിലന്‍സിനു മുന്നറിയിപ്പു നല്‍കി.

ബന്ധു നിയമന കേസ് അന്വേഷണം ഒരാഴ്ചത്തേയ്ക്കു കോടതി സ്റ്റേ ചെയ്തു.കേസന്വേഷണത്തില്‍ അഞ്ച് കാര്യങ്ങള്‍ പരിഗണിച്ചാല്‍ മതിയെന്നും കോടതി വിജിലന്‍സിനു നിര്‍ദ്ദേശം നല്‍കി.മന്ത്രി എന്ന നിലയില്‍ പദവി ദുരുപയോഗം ചെയ്‌തോ?നിയമനം മൂലം ആര്‍ക്കെങ്കിലും സാമ്പത്തിക നേട്ടമുണ്ടായിട്ടുണ്ടോ?നിയമനത്തില്‍ അഴിമതി നടന്നിട്ടുണ്ടോ?തുടങ്ങീ കാര്യങ്ങള്‍ അന്വേഷണത്തില്‍ ഉള്‍പ്പെടുത്തണമെന്ന് കോടതി നിര്‍ദ്ദേശിച്ചു.