നടിയെ ആക്രമിച്ച സംഭവം,ക്വട്ടേഷന്‍ നല്‍കിയത് സ്ത്രീയെന്ന് പ്രതി മണികണ്ഠന്‍

നടിയെ ആക്രമിച്ച സംഭവത്തില്‍ ക്വട്ടേഷന്‍ നല്‍കിയത് ഒരു സ്ത്രീയാണ് പ്രതി മണികണ്ഠന്‍ മൊഴി കൊടുത്തതായി സൂചന.അക്രമത്തിനിടെ പലതവണ സുനി ഇത് നടിയോട് പറഞ്ഞിരുന്നതായും സൂചനയുണ്ട്.നടിയുടെ മൊഴിയിലും സമാനമായ കാര്യം പറഞ്ഞിരുന്നതായാണ് സൂചന.

നടിയെ തട്ടിക്കൊണ്ടു പോകാനെന്നു പറഞ്ഞല്ല തന്നെ ഒപ്പം കൂട്ടിയതെന്നും ഒരു ക്വട്ടേഷനുണ്ടെന്നും മാത്രമാണ് പള്‍സര്‍ സുനി തന്നോട് പറഞ്ഞിരുന്നതെന്നും മണികണ്ഠന്‍ പൊലീസിന് ആദ്യം മൊഴി നല്‍കിയത്.സംഭവം നടന്ന ദിവസം സുനി നടിയുടെ വാഹനത്തില്‍ കയറ ഉടനെ അവര്‍ അയാളെ തിരിച്ചറിഞ്ഞു.തിരിച്ചറിഞ്ഞപ്പോള്‍ സുനി നടിയോട് പറഞ്ഞത് ഇത് ഒരു സ്ത്രീ നല്‍കിയ ക്വട്ടേഷനാണെന്നും അവരാരാണെന്ന് നിങ്ങള്‍ക്ക് അറിയാമല്ലോ എന്നുമാണ് പറഞ്ഞത്.ഇതുവരെ ഇത്രയും കാര്യങ്ങള്‍ അന്വേഷണ സംഘത്തോട് വെളുപ്പെടുത്തിയതായാണ് സൂചന.

നടി എതിര്‍ക്കാന്‍ ശ്രമിച്ചപ്പോള്‍ സ്ത്രീയെ കുറിച്ചുള്ള വിവരങ്ങള്‍ ആവര്‍ത്തിച്ചതായും എന്നാല്‍ സ്ത്രീയുടെ പേരോ മറ്റ് വിവരങ്ങളോ സുനി വെളിപ്പെടുത്തിയിട്ടില്ലെന്നും മണികണ്ഠന്‍ പറഞ്ഞു.എന്തായാലും വരും ദിവസങ്ങളില്‍ ഇതുമായി ബന്ധപ്പെട്ട കാര്യങ്ങള്‍ കൂടുതല്‍ കുരുക്കിലേക്ക് നീങ്ങുകയാണെന്ന സൂചനയാണ് ഇതുവരെ ലഭ്യമാകുന്നത്.സ്ത്രീ ആര് എന്ന ചോദ്യത്തിലേക്കാവും ഇനി അന്വേഷണത്തിന്റെ വഴിത്തിരിവുകള്‍.പള്‍സര്‍ സുനിയെ ഇതുവരെ അറസ്റ്റു ചെയ്യാന്‍ സാധക്കാത്തതും അന്വേഷണ സംഘത്തിന് പ്രതിസന്ധികള്‍ സൃഷ്ടിക്കുന്നുണ്ട്.