അതിഥികളുടെയും വിഭവങ്ങളുടെയും എണ്ണം കുറയ്ക്കണം, വിവാഹ ധൂര്‍ത്തിന് നിയന്ത്രണം

വിവാഹ ധൂര്‍ത്തൊഴിവാക്കന്‍ നടപടികളുമായി ജമ്മു കാശ്മീര്‍ സര്‍ക്കാര്‍.വിവാഹ സല്‍ക്കാരത്തിന് ക്ഷണിക്കാവുന്ന അതിഥികളുടെ എണ്ണം നിജപ്പെടുത്തി.വരന്റെ വീട്ടുകാര്‍ 400 പേരെയും വധുവിന്റെ വീട്ടുകാര്‍ 500 പേരെയും മാത്രമേ പങ്കെടുപ്പിക്കാന്‍ പാടുള്ളു എന്നാണ് പുതിയ ഉത്തരവ്.വിവാഹ നിശ്ചയത്തിന് 100 പേരേ പങ്കെടുപ്പിക്കാം.

ക്ഷണക്കത്തുകള്‍ക്കൊപ്പം ഉണങ്ങിയ പഴങ്ങള്‍,മധുര പലഹാരങ്ങള്‍ എന്നിവ കൈമാറുന്നതിന് പൂര്‍ണ വിലക്കേര്‍പ്പെടുത്തി.സല്‍ക്കാരത്തിനു വിളമ്പുന്ന ഭക്ഷണത്തില്‍ ഏഴു സസ്യ സസ്യേതര വിഭവങ്ങള്‍ മാത്രമേ വിളമ്പാന്‍ പാടുള്ളു.കാശ് മീരി വിവാഹങ്ങളില്‍ 20 ലധികം വിഭവങ്ങളാണ് സാധാരണയായി വിളമ്പുന്നത്.വിഭവങ്ങളുടെ ദുരുപയോഗം തടയുന്നതിനാണ് സര്‍ക്കാര്‍ പുതിയ നിയന്ത്രണം ഏര്‍പ്പെടുത്തിയിരിക്കുന്നത്.

സര്‍ക്കാര്‍ ഔദ്യോഗിക പരിപാടികളിലും സ്വകാര്യ-വ്യക്തികള്‍ നടത്തുന്ന പരിപാടികള്‍ക്കും നിയന്ത്രണം ബാധകമാണ്.